Zualko: Zahan Zaan Suimilam 8 Hrawng Ah Ralhrang Nih An Kah Hna

Kachin ramkulh, Potaoo peng Phetma khua ah cycle a citmi nupa hna cu zahan zaan suimilam 8 hrawng ah ralhrang nih an kah hna i an thi tiah theih a si. Hi nupa hna hi Phetma khua hi dum ah an kal i, ralhrang an rat caah zaam dingin an i timtuah lio ah ralhrang nih an hnu in an kah hna hi a si tiah thawngzamhnak ah an langhter.

An nih hi Phetma ah dum zoh dingin an rat ah ralhrang lio he a ton caah zaam dingin an i timtuah lio ah ralhrang nih an hnu in an kah hna, khuami zong hi lio hi kan i thuh lio a si, zaahan ah an kah cang hna an ruak cu tuzing ah kan lak, zoh awk tha lo in an um ” tiah an chim. Nunnak liammi nuva hna hi kum 20 hrawng mi an si an i thitumhnak zong thla zei maw te lawng a si rih.

An ruak cu nihin ah an vui hna lai tiah theih a si. Zahan zaan 7 hrawng ah Hlusiayian le Phetma khua kar ah KIA le ralhrang kahdohnak a chuak. Phetma khua cu February 1 zing ah ralhrang nih sakhan an chiah i KIA nih an lak, Hlusiayian lr Suampiyian khua kar ah a ummi khua pakhat asi.

Thawng dang relchap; Matupi Ah Facang A Dong Chin ramkulh thlanglei Matupi peng ah facang le datsi a dih dirhmun an phan tiah khuami hna sinin theih a si. Cheukhat chungkhar hna cu ei din awk ngei lo dirhmun an phan, hlannak in lethnih in facang an cawk tiah theih a si. Atulio ah ralhrang le mipi ralkap kar ah kahdohnak a chuak i ralhrang nih Matupi khua luhnak ah gate 4 an tuah caah facang le thil dangdang luhpi a har ngai tiah theih a si.

Pakokku lei zong in luh a ngah lo, an rak phorh zong ah khuachung ah an luhpi khawh lo caah khuachung ah zuar awk a tha lo caah khuachung ah facang a dong, tangka ngei hna nih i khawm in an cawk i, i theuhbaoh a si. Hika ah facang lethnih in man pek a si, Pawsan hna hi cu facang tha a si, tunkhat ah thongsawmnga pek a si. Asinain cawk a ngah lo, tuhnu thlakhat ah cafang a luh khawh lo cun ei lo in kan um cang lai tiah ” khuami pakhat nih a chim.crd-21TCT

Be the first to comment

Leave a Reply

Your email address will not be published.


*