Yinmapin PDF Hruaitu Bo- Thanmani Le A Ralkap Pawl NUG Nih Dan A Tat Hna Lai

Sualnak ngei lo minung 10 mah nawl in thahnawnnak a tuahtu Yinmapin PDF hruaitu le a ralkap pawl cu NUG nih hlathlainak an tuah i, a herhning dantat ding in cathanh an chuah. Sagaing ramṭhen, Yinmapin peng PDF hruaitu Bo- Thanmani le a ralkap pawl nih Ko Hteik Aung ti mi telh in Labuh khua mi 6 le civil mi 4 hna cu ṭha te hlathlai ta loin an thah hna. Cu kong cu NUG nih an hlathlai tik ah-  (a) Labuh khua in Ko Hteik Aung tel in khua mi 6 hna cu hlathlai ta loin an thahnawn hna.  Hi hna 6 hi ‘Hero Tiger PDF’ ralkap an rak si, tiah kan theih.

(b) Labuh khua mi 6 pin ah Fire police 2 , Mawtaw khaltu pakhat le a ke ai khawng mi Fire police  a rak zultu mino pakhat zong an thah. (c) Hi thahnawnnak hi Yinmapin PDF hruaitu Bo- Thanmani le a ralkap hna nih an tuah sermi a si. (d) Hi thil a cannak hi Tualchung hriamtlai Phu 2 karlak ah i theihthiam lonak ruang ah a chuak mi a si, tiah hlathlai le hngalh a si caah NUG cozah nih thahnawnnak a tuahtu Bo- Thanmani le a ralkap hna cu ralkap phung ning tein biaceih le dantat an si lai, tiah NUG nih a thanh. Crd- the chin post

Thawng dang relchap; KCA Dirhnak Kum Khat Tlinnak Ni Ah Kalay Khuapi Chungum Sakhan Pakhat Cu Luhhnawh In An Kah! PDF Kalay phu a dirh/chuah khawh nakhnga a hram thawknak simi Kalay Civil Army (KCA) cu Tahan ah sakhan an rak tuahnak niin kum khat tlinnak ni, nihin March 29 ni ah Kalaymyo, Tahan sang, Bogyoke lampi le Wai Sa Lyi sizung pawng i lamkam ah a ummi,

Min Aung Hlaing kuttang ralhrang ralkap sakhan cu PDF Kalay nih zinglei sml 6:00 hrawngah luhhnawh in an kah caah ralhrang ralkap (2) an khenh hna hnuah PDF Kalay leikap ah hliammi umloin an i zukphiak kho. Kalay peng chungum dohthlenhnak chungah nunnak a liamtu pasaltha hna i thisen man cu PDF Kalay nih loh theih loin phuba kan laak lai tiah PDF Kalay nih kan in theihter hna tiah cathanh an chuah.crd-the federal times.

Be the first to comment

Leave a Reply

Your email address will not be published.


*