Ukraine Nih Russia Vanlawng SU-34 An Kahthlak Than +Video

Russia le Ukraine kah dohnak cu tu tiang in an I doh peng ti mi cu mipi nan thei cia mi a si ko. Russia hi Ukraine a kahnak ah a ralkap a thimi zat hi 18300 an si cang, Cun hriamnam a sungh cang mi hi a tlawm ti lo, tam tuk bak khi a sung cang. Niizan zong kha Kharkiv ah Russia vanlawng SU-34 Ukraine nih an kahthlak than hoi. Mah a link hi /steven.c.lian/videos/ hmeh piak law video na zoh khawh lai.

Thawng dang: Russia President Vladimir Putin nih cun Russia sin i Gas a cawtu hna ca ah phunglam thar a ser i, nizan tihni ah khan President Putin nih cun fehternak a tuah cang. Cu phung thar ah cun Russia hawikom ṭha silo ram hna nih Russia sin i gas an cawk tikah dollars siloin Russia phaisa Rubles in gas man an pek a hau cang lai. Rubles in an pek lo ahcun an caw kho ti lai lo, tiah nawl a chuah.

President Putin nih cun, “Nihin in phung thar kan ser cang i, Russia gas cawk a duh mi nih cun Ruble account an ngeih a hau cang lai. Hi phung thar hi April 1 in kan hman lai,” tiah a chim. “Hi kong he pehtlai in Gas cawtu hna nih harnak an ton ahcun kanmah thiam lo a si ti lai lo. Ramdang nih man ngei lo in zeihmanh an kan tuahpiak lo bantuk in kannih zong nih man ngei loin zeihmanh kan tuah ti lai lo,” tiah a chim chap.

Russia le Ukraine buainak ruangah vawileicung ramdang hna nih cun Russia phihkharnak ah phaisa cawlcanghnak hi an hman cem mi hmanrua a si i, dollars phihkhar an si caah company tampi nih Russia ah an rian an pehzul kho lo, tiah Putin nih cun a chim. Cucaah US le Europe ah Russia thilri pawl cu cawlcang kho lo in an um i, chawlehnak ah harnak tampi a um.

Russia nih Nitlak lei ram pawl lehrulhnak ah phihkharnak a tuah chin ve i, Russia gas cawtu hna nih Russia phaisa lawng an hman khawhnak ding lam a ser ve. Russia nih gas cawknak kongkau ah phungthar a ser caah European Union ram hna nih cun duhlonak an langhter.crd-the chin post.

Be the first to comment

Leave a Reply

Your email address will not be published.


*