Ti Kan Thlahpiak/ Pe  Cg Uh Tiah SAC Nih KNU Ca A Kuat

Kayin ramkulh KNU brigade 6 hmunhma Gyainsaitgyi peng le Gyaitdung pengchung ah KNU nih an phih mi tiva ti cu nithum chung ah an thlah lo a si ahcun, cuka pawng ah ummi khua hna cu kan hrawh lai, tiah nizaan April 17 ah SAC ralkap nih KNU sinah tlerhkhonhnak ca an kuat, tiah KNU nih an chim.

SAC nih KNU sinah a kuat mi ca ah cun SAC khah-mah-yiah 561 battalion sakhan umnak chak ah phih mi tiva ti cu nithum chung ah nan kan thlahpiak lai, tiah an langhter. KNU in ṭuanvo ngeitu Padoe Saw Taw Ni nih cun, tlerhkhonhnak ca an kan kuat mi cu a dik mi a si i, khuachung mipi hmang in an kan tlerhkhonh hrimhrim ding a si lo, tiah RFA ah a chim.

Karen Human Right Group (KHRG) nih March thla dih i cathanh a langhter ning ah March thla thok in KNU brigade 6 hmunhma ah SAC ralkap le KNU/KNLA phufonh kar fak ngai in kahdohnak a chuah caah ralzaam dirhmun a phan mi 30,000 hrawng an si cang. Crd- the chin post

Thawng dang- 2022 April 18 – Magway ramṭhen, Htilin peng, Cin khute palik sakhaan cu April 17 zinglei ah PDF-Htilin le a hawikom phu hna nih an kah tiah theih a si. Cu kahdohnak ahcun, mipi hriamtlai phu hna nih palik pawl CDM tuah ding in an fial hna. Palik an zapi te nih CDM tuah ding an lungtling sihmanhsehlaw sakhaan bawi nih a duh lo caah SAC sin ah phone a chawnh. Cucaah sakhaan bawi cu an kah i a thi tiah PDF-Htilin riangeitu nih DVB ah a chim.

“Sakhaan ah palik 20 leng an um i a dang palik pawl vialte cu chimh khawh an si, sakhaan bawi cu chimh khawh a si lo caah kan kah”. Sakhaan bawi nih SAC phone a chawnh hna ruangh Northwest Headquarters in Jet an rak thlah i a kah ko hna nain a khenmi an um lo tiah a chim. Hriam he CDM a tuahmi palik 20 leng cu PDF-Htilin nih himnak hmun ah an kuat hna lai tiah theih a si.

Yaw hmunhma ah a voikhatnak bik Palik sakhaan lak khawhnak a si i palik sakhaan a umnak khuate hna zong tlaih khawh ding ah kan i zuam lio a si tiah PDF-Htilin nih an thanh. Htilin peng chungah khua 74 a um i khua 70 leng kan tlaih khawh cang tiah YDF Htilin rianngeitu Thazin Zaw nih DVB ah a chim.crd-The Chinland Post .

Be the first to comment

Leave a Reply

Your email address will not be published.


*