Thawngtha: Tuni Ah Tuahmi Asia Meeting Ah Ralhrang An Telh Ti Hna Lo

SAC Ralhrang Tel Ngah Lomi Asia Ramchung Ramdang Pehtlaihtu Vuanci Tonbiaruahnak Cu Nihin Ah An Thok! SAC ralhrang ralkap tel a ngah lomi Asia ramchung ramdang pehtlaitu vuanci hna tonbiaruahnak cu Cambodia ram, Pha Nuan Pin khuapi ah Febuary 17 zinglei in an thok! Cu ton biaruahnak cu: Cambodia, Indonesia, Malaysia, Singapore, Laos, Brunei, Vietnam hna nih cun ramdang pehtlaitu vuanci hna pumpak bakin an tel cio i, Thailand le Philippine ramhnih hna cu online in an tel.

Cu tonbiaruahnak cu nihnih chung tuah ding a si i, Kawlram kongah a bikin ceihhmainak an ngei lai tiah anmahlei thawngzamhnak nih an langhter. SAC ralhrang nih ni kum ah khan an ceihmi zulhphung (5) hna cu a zulh lo caah ramkhel kong aiawhtu palai (non-political-representative) lawng sining level thumh hratin Asia ramchung ramdang pehtlaitu vuanci hna tonbiaruahnak ahcun an sawm.

Cu bantukin a sining thumh hratin an sawmnak cu SAC ralhrang Min Aung Hlaing nih a cohlang lo caah ramkhel he aa pehtlai lomi aiawhtu palai cu ka thlah lai lo tiah cathanh a chuah. Asia ramchung ramdang pehtlaitu vuanci hna tonbiaruahnak cu a liamcia January ah khan tuah dingin timhtuahnak an ngei nain SAC ralhrang ralkap sawmnak kongah i hmuh thiam lonak a chuah ruangah a rak tlamtling lo. Crd- The federal times.

Thawng dang: Thailand Ram Nih Kawlram Riantuantu Hna Kawlram Ah A Kuat Thanmi Minung 100 Leng Nih Covid Zawtnak Ngei! Thailand-Kawlram ramri Mesout in Febuary 5 ah Kawlram riantuantu hna cu Kawlram chungah a kuat thanmi minung 100 lengkai hna cu Myiah Wa Tyi Quarantine centre ah covid zawtnak an check tikah covid hrik ngeitu hmuh an si tiah Myiah Wa Tyi pengkomh covid-19 phihkhamnak centre nih cathanh an chuah.

Febuary 5 ah ningcang loin Kawlram riantuantu minung 199 hna cu Kawlram chungah an kuat than hna i, Myiah Wa Tyi pengkomh covid-19 phihkhamnak centre ah covid-19 zawtnak an ngeih le ngeih lo checking an tuah tikah Kawlram riantuantu minung 100 lengkai sinah zawtnak hmuh a si timi thawngpang cu Mesout ah a ummi Kawlram minung zohkhentu phu committee chairman U Moe Gyu nih a chim.

Naihrawngah Thailand cozah nih a kuat thanmi Kawlram raintuantu hna cu Myiah Wa Tyi pengkomh hruaitu ngamdamnak tuanvo ngeitu hna nih an check tikah covid zawtnak ngeitu 100 lengkai an um tiah Myaih Wa Tyi hruaitu phu nih cathanh an chuahmi hmuh a si tiah U Moe Gyu nih a chim.

Kawlram chungah a kirmi hna cu Myiah Wa Tyi ramri ah covid checknak centre (4) ah Quarantine ni (10) chung an chiah hnuah cehcking an tuah tikah an hmuh hi a si. Thailand ram chungah ningcang loin a luttu tiantuantu hna cu aruang tampi ruangah tlaih an tong i, Thailand cozah nih zarh khat ah ni (3) cu Kawlram chungah an kuat than. Vawi khat ah minung 200, zarh khat ah minung 600 tluk an kuat tiah theih a si. Crd- The federal times.

Be the first to comment

Leave a Reply

Your email address will not be published.


*