Thawngtha,: Ralhrang A Thi Mi An Tam Hih + Video

Khah pasal tha hna nih ralhrang pawl cu an phomh thluah mah cang hna hih, Mandalay ram kulh um Singu khuapi ah PDF pasaltha ( Singu People’s Defence Force ) hna nih ralhrang an phomh hna I, ralhrang lei minung 2 an thi,Pasaltha hna nih ralhrang an phomh hna nak video cu mah a link hi news/videos/13 hmeh click piak law a video na zoh khwh lai.

Cadang; Ritsi A Zuartu Hna Cu Kalay-PDF Le Palek Nih An Tlaih! Sagaing ramthen Kalay peng chungah ritsi a zuartu hna cu Kalay-PDF, Kalaymyo palek le Natchaung mipi vengtu hna nih Febuary 11-12 ah an tlaih tiah theih a si. Kalay peng chung khua te leiah an tlaihmi an si i, ritsi zuartu minung (4) le a hmangtu minung (5), an dihlak minung (9) hna cu tlaih an si.

An tlaihmi hna cu an hren chung hna i, fak taktakin dantatnak pek dingin timhtuahnak an ngei tiah theih a si. Ralkap nih rampi nawlngeihnak a laak hnuah Kalay peng chungah CDM tuahtu palek hna nih kum 2021 Dec 6 ah an rak dirhmi Kalaymyo palek phu nih PDF nih an control nak khua te leiah riantuan dingin NUG hruainak tangah an dirh.

Thawng dang: Matupi Ah Facang A Dong. Chin ramkulh thlanglei Matupi peng ah facang le datsi a dih dirhmun an phan tiah khuami hna sinin theih a si. Cheukhat chungkhar hna cu ei din awk ngei lo dirhmun an phan, hlannak in lethnih in facang an cawk tiah theih a si. Atulio ah ralhrang le mipi ralkap kar ah kahdohnak a chuak i ralhrang nih Matupi khua luhnak ah gate 4 an tuah caah facang le thil dangdang luhpi a har ngai tiah theih a si.

Pakokku lei zong in luh a ngah lo, an rak phorh zong ah khuachung ah an luhpi khawh lo caah khuachung ah zuar awk a tha lo caah khuachung ah facang a dong, tangka ngei hna nih i khawm in an cawk i, i theuhbaoh a si. Hika ah facang lethnih in man pek a si, Pawsan hna hi cu facang tha a si, tunkhat ah thongsawmnga pek a si. Asinain cawk a ngah lo, tuhnu thlakhat ah cafang a luh khawh lo cun ei lo in kan um cang lai tiah ” khuami pakhat nih a chim. Crd- 21 TCT

Be the first to comment

Leave a Reply

Your email address will not be published.


*