Thawngtha, Pasaltha Hna Cawlcangh Nak An Zulh Thluah Mah Cang Ko Hih

Moe Ne Khuapi Ah A Ummi SAC Ralhrang Lamhlat Kaptu 363 Phu In Ralkap Pahnih Nih CDM An Tuah! Shan ramkulh thlanglei Moe Ne khuapi ah hrambunhmi SAC ralhrang 363 phu in ralkap pahnih nih CDM an tuah tiah (pituh pantaan) phu nih an chim. SAC ralhrang (Ah Mah Tah 363 )phu in ralkap pahnih nih (pituh pantaan) phu he pehtlaihnak tuah hratin.

Mipi sinah an i fonh cang i, atu ahcun himnak hmunah kan thlah cang hna tiah( pituh pantaan) phu nih cathanh an chuah hi a si. SAC ralhrang kuttang ah zeiti hmanhin kan um kho ti lo. A hlan piin mipi sinah fonh dingin timhtuahnak kan ngei cang i, a lamkip in kan i zuam. Atu cu caan tha kan hmuh ruangah a si khawh chungin kan rak zaamnak a si. Kanmah kuttang ah a ummi ralkap hna cu khoika hmanhah kal an ngah lo, nulepa sinah tlun zong a ngah lo, lahkhah an kan pekmi zong bank ah i khonh u tiah a kan hal than.

Bank ah kan phaisa zong chuah a ngah hoi lo. Kanmah umnak ralkap dang zong caan rem an hmuh ahcun a zaam duhmi an tampi ko tiah CDM tuahtu pakhat nih a chim. A hlan ahcun mipi ralkap (Pituh) tiah rak dirhmi cu atu ahcu  mipi timhmi (pituh pantaan) tiah thlenmi phu he pehtlaihnak tuah hratin CDM tuahtu ralkap 300 lengkai an um cang tiah theih a si. crd-the federal times.

Thawng pang dang relchap; Taa Wai Pit Sniper Cawknak Dihmi Phaisa Zat Hi Mipi Nih Bawmnak Kan Pe Hram U’ Tiah Demosu PDF Nih Zangfah Nawl! SAC ralhrang ralkap kahdohnak ah a herhmi RUGER precision rifle phun simi meithal cu kan cawk i, a dihmi phaisa zat 36, 700, 000 mmk cu mipi nih bawmnak kan pe cio dingin Demosu peng chung mipi vengtu Battalion A nih forhfialnak an ngei.

SAC ralhrang ralkap kahdohnak kan tuah caan ah a herh taktakmi hriamnam tha le lungthin thazaang hna cu mipi nanmah bawmnak thawngin a si. RUGER precision rifle meithal kan cawk tikah a dihmi zat cu ramchung ramleng bawmnak petu hna nih thong khat thong hnih tibantuk zongin bawmnak kan pe hram u tiah Demosu PDF nih zangfah kan in nawl hna.

Cu kan cawkmi meithal rifle man zat hi 36700000 a si i, kuanfang man hi pakhat ah 55000 zat bak a si. Kan cawkmi meithal i a thatnak cu vanlawng le tank motor tiangin tleng laakin a kap kho pinah lamhlat taktak ummi tiang zong a kap kho tiah Demosu PDF nih an chim. crd-the federal times.

Be the first to comment

Leave a Reply

Your email address will not be published.


*