Thawngtha: AA Le Ralhrang Karlak Kahdohnak Ah Ralhrang 7 An Thi + Video

Rakhine ramkulh, Muangtaw ah AA le ralhrang karlak kahdohnak cu February 4 in aa thawk i February 7 zaan tiang ah ralhrang lei ralbawi pakhat le ralkap dang 6 an thi. Ralhrang lei in a thi mi hna cu Kyi- 39638 Ralbawi Myint Swe Win, Tah-663062  Aung Myint Swe, Tah -104377  Kyat Tan Htwe,Tah-374572  Yin Myint, Tah -39239 Kyat Ba Tin , Tah -513888 Hting Lyin Aungle Tah -513147  Aung Aung hna an si.

Ralhrang a thi mi hna hi February 7, 2022 zaan Sml 11:30 hrawng ah an thi mi hna an si, tiah ralhrang hna thawngthanhnak in theih a si. February 7 ni zaan Rakhine ramṭhen, Muangtawpeng, Phawatt Chuang khua pawng i hlei ah ralhrang motor thing a phor mi cu AA nih bomb an puah i ralhrang 7 le mi sawhsawh minung 2 an nunnak a liam, tiah theih a si.crdTCP, nbote mah a link hi news/videos/7 hmeh click piak law a video na voh khawh lai.

Thanwg pang dang relchap; Kaw Lin Ah Khuami Pahnih Le PDF (4) Thah An Tong! Sagaing ramthen Kaw Lin peng chung Pha Lay khua ah SAC ralhrang ralkap hna nih Febuary 8 zinglei sml 6:00 ah kahdohnak tuah in an rak luhhnawh caah khuami pahnih le PDF (4) an thah pinah minung umnak inn (2) mei an khangh tiah theih a si.

Thazaang 100 lengkai a ummi SAC ralhrang ralkap hna nih khua chungah an rak luh tikah biahalnak zeihmanh tuah loin minung umnak ah meithal an kah colh tiah himnak a herh caah min langhter a duhlotu pakhat nih The 74 Media nih a chim. Khuami pahnih le PDF (4) nunnak a liam i, minung umnak inn (2) zong an khangh. Kahdohnak zong a um lo i, khua chung an luh lecangka in meithal in an kah colh.

Biahalnak an tuah lo, mi tlaih zong an hmang lo, an hmuhmi paoh cu an kah” tiah a chim. Cu ralhrang rual cu Febuary 6 ah khan Kaw Lin khuapi in ke in a rak rami an si i, Febuary 8 zingka ah Pha Lay khua in an chuak i, Shew Bo, Myit Gyi Na khua leikap ah pehzulh in an kal tiah amah nih a chim. SAC ralhrang nih Kaw Lin khuapi chungah kahdohnak tuah in an rak luh caah Kyaukh Pin Tha khuami le pawngkam khua mipi hna cu Kaw Lin,

Shew Bo, Myit Gyi Na motor lampi ah motor, cycle hna hmangin himnak hmunah an zaam tiah theih a si. Kaw Lin peng chung Pha Lay khua cu inn 600 lengkai, minung 3000 lengkai umnak khua a si i, Febuary ( zongah himnak hmunah an zaam pah cang tiah theih a si. Sagaing ramthen chungah SAC ralhrang le PDF karlak ah kahdohnak a fak ngaingai i, Kaw Lin peng chungah January 27 ah khan SAC ralhrang nih hriamngan hmangin an kah caah Kaw Lin peng Kan Lay Gyi khua chung inn pakhat cungah tla in a puak tiah theih a si.crd-the federal times.

Be the first to comment

Leave a Reply

Your email address will not be published.


*