Tedim Le Tonzang Peng Chung Ah SAC Kuttang Ah Tanghra Exam Mi Kan Cohlang Lo

Tedim le Tonzang peng chung ah SAC Kuttang ah Tanghra Exam Mi Kan Cohlang lo i, SAC tang tanghra exam mi paoh Mipi Cozah tang ah tanghra exam nak nawl peklo nan si lai tiah Zomi Federal Union nih cathanh chuah. Rel chap: Tanghra exam nikhatnak March 31, 2022 ah Chinram chung in exam ding ah min cazin a pe mi 2960 chung ah 700 leng an bau, tiah SAC Kuttang State Education Department cazin in theih a si.

Exam ding ah min a pe mi 2960 lak ah 2259 (76%) lawng exam an ngei i, Hakha, Thantlang, Mindat le Kanpalet peng in tanghra exam mi pakhat hmanh an um lo. Chin ramkulh, Pengkulh kip in tanghra exam ding min pek zat le a exam lo mi zat hna cu, Falam peng in min pemi 309 an si i 169 lawng an exam. Tedim peng in 286 chung ah 156 an exam,

Matupi peng min pemi 116 ah exam mi 85, Cikha ah min pei mi 212 chung ah 176 an exam. Tonzang peng ah 226 chung ah 124 an exam i Paletwa peng ah min pe mi 1811 an si i 1553 an exam, tiah cazin ning in theih a si. Tukum tanghra exam cu March 31 in April 9 tiang a si lai. Crd- the chin post

Thawng dang: Sagaing ramtthen, Shwebo pengkomh, KhinOo peng nizaan March 30 ah khuami mino hna le PDF hna cu SAC ralkap nih hriamngan in an kah hna caah PDF 3 an nunnak a liam tiah KhinOo PDF nih an chim. KhinOo pengchung Shalwin khua le Kalakuu khua cu SAC ralkap nih nizaan ah hriamngan in an kah hna leng ah khuachung mipi umnak inn hna cu a voi hnihnak an khanghpiak than hna.

Khuachung inn kang mi hmih ding ah a kalmi khuachung mino pawl le PDF ralkap hna cu SAC ralkap nih an kah hna caah PDF 3 an nunnak a liam i hliam tuar zonh an um tiah theih a si. SAC nih nawlngeihnak an lak hnu ah KhinOo peng ah SAC ralkap kut in nunnak liammi mizapi le PDF dihlak minung 114 an si i, hliamhtuar mi minung 84 an si cang. Crd- the chin post

Be the first to comment

Leave a Reply

Your email address will not be published.


*