Tan Khun Kyaw A Birthday A Sung Lawi Kho Taktak

Tan Khun Kyaw A Birthday A Sung Lawi Kho Taktak

Nizan October 24 cu Kawlram minthang hlasak thiam Tan Khun Kyaw chuah ni a si. Hawi dang bantukin a hawile nih a birthday lawmhpinak ah laksawng an pek hna cio hna. Cu laksawng tampi lakah laksawng pakhat cu phundang ngai in an tom (pack) piak  i, surprise tuah bantukin an pek ve.

Cu laksawng cu zeidang si loin Beer a si. Tan Khun Kyaw nih a chung ah zeidah um hnga  tiah Zing-khung ngai in a van phoh cu Beer pha a si diam. Tan Khun Kyaw nih a uar ci si dawh a si. Cu Beer a hmuh bak ah a lung lawmhnak mithmai hmuh khawh a si.

Cu laksawng a phohnak video ah Tan Khun Kyaw nih caption a tial chihmi cu, Laksawng a ka petu an min ka hmuh bak ah zeidah an ka pek lai timi ka theih colh  tiah a tial chih. Cu a catialmi nih a hawile Beer a dinti tawnmi hna nih an pekmi a si lai timi ruah damh khawh a si.

Tan Khun Kyaw cu Kuki Chin pakhat a si ve i, 2019 kum, siang ca chimh rian, saya a tuan cuahmah lio ah a saya rian kaltak in Myanmar Idol Season 4 ah hlasak aa zuammi a si. Hlasak a thiam tuk caah Top 5 tiang a phan ve nain khat lei in thazaang petu an tlawm deuh caah  a tla than.

Nain Green Card in Top 10 chung in minung pakhat  auh than khawh a si i amah an uah than. Cu Myanmar Idol Season 4 i hlasak aa zuamnak in Kawlram pumpi le vawlei cung Kawlram mi nih theihmi hlasakthiam minthang ah aa chuahmi kan Chin miphun pakhat a si.

Leave a Reply

Your email address will not be published. Required fields are marked *