Singer Van Hlei Sung Cu A Duh Ning In Thil A Kal Kho Ti Lo

By-VH Sung; I’m sorry Delhi, Kaa ngaihtuk mi concert cu ka tenh manh ti lo ee. Caan aa teet tawttuk mi karlak ah rian ttuan ahar ca zongah asi. Ka visa fawi le bai ah arak lut lo i ka ra kho lo. Delhi ah khuasa mi ka Miphun hawidawt, hmuh lai kan ngaihtuk hna. Zeitluk in dah concert tuah ahar, har lengmang tein timhtuah mi chungah kaa tel ve lo cu ka sia a rem bak lo.

NAIN Bawipa nih caan dang ka sianh ko lai ka zumh. Keimah ka um lo thawngin a lungzor mi um sual hlah u. Kan ram buaih le covid he kan khing a rit tuk cang! Amanh mi poh va kal ulaw, lung nuam tein caan hmang u.ram le miphun caah le,pumpak caah, Hmailei ah kan i tong tthan te hna lai. I love you all and have a great concert.

Thawng dang relchap; SAC ralkap mawṭaw tiva ah a tla, a thimi an tam kho men, Yangon ranṭhen, Khayan peng Kamakalu khuate, April 21 zing sml 5:00am hrawngah SAC ralkap mawṭaw pakhat tiva ah a tla i a thimi an tam kho men tiah Khayan Channel nih Yangon Khit Thit ah thawng a pek. April 21 zinglei sml 5:00am hrawng ah Kamakalu lam ah zohfelnak an ngeih dih hnu in a rak kirmi.

SAC ralkap mawṭaw cu Kamakalu lunghlei a phak bak ah tiva ah a tla, SAC ralkap an i khawng, a thimi an tam kho men. A tu hi Khayan siizung ah mizaw le ruak pawl a phan tiah Khit Thit nih a langhter. Kamakalu khuate lamcung ah zohfelnak an ngeih dih hnu in an rak kir lei lunghlei cung in tuzing ah SAC ralkap mawṭaw pakhat a tla, a thimi an um,

Tiva ah a tlami SAC ralkap pawl cu an i sual len” tiah a hmumi nih Khit Thit ah a chim. SAC ralkap 3 an zapathel in siizung ah an luhpi hna, hma a pumi zong hmuh an si, an thih le thih lo cu theih a si lo” tiah Khayan siizung rianṭuanmi nih Khit Thit ah a chim.crd-the chinland post.

Chin ram thawng pang dang; Hakha ah Petrol le Dissel minung pakhat ah Kyats 20,000 man lawng dawr nih an cawkter hna, Myanmar ram chung ah ramdang in Petrol le Dissel a luh khawh ti lo ca ah rampi ning in petrol le dissel man a kai i hmun tampi ah rikhiah in an zuarnak a um bantuk in, Hakha khuapi zong ah rikhiah in meirawl haang petrol le dissel an zuarnak a um i a man zong a hlan nakin a kai deuh tiah theih a si.

Hakha khuapi chung petrol le dissel zuarnak hmun tampi lak ah a cheu cu rikhiah in an zuar lawng si lo in a man zong a hlan nakin an kaiter deuh. Cun, a hlan ning tein a zuar mi zong an um tiah khuami hna sin in theih a si. Petrol man a kainak le rikhiah in an zuarnak kong he pehtlai in khuami pakhat nih, “Kan nih Gangaw lam lei sang hi cu a hlan nakin a man a kai deuh.

Cun, rikhiah in an zuarnak zong a um. Minung pakhat ah Kyats 20,000 man lawng cawk khawh a si. April 19 ni ahkhan pung he datsi cawk ah a kal mi poh cu an lawng in an kirter than dih hna,” tiah The Hakha Post ah a chim. Hakha khuapi chung petrol le dissel kong ah Ralhraang Council lei nih nawlngeihnak hmang in nihin tiang cu zuarter an si rih lo tiah theih a si.

Aung Aung Petrol dawr tuanvo ngei pakhat nih, “Kannih dawr hi cu rikhiah in kan zuar rih lo. Duh zat cawk khawh a si ko. A man zong a hlan ning kha a si rih ko,” tiah a chim. Hakha khuapi chung ah Petrol le Dissel a man tam cem cu Datsi thawl ruk ah Kyats 15000 le Dissel tengki khat ah Kyats sing 6 leeng a si tiah kan theih.crd-the hakha post.

Be the first to comment

Leave a Reply

Your email address will not be published.


*