Singer L Seng Zi cu a lo ko cang hih

A poi tak tak si kawlram phum pi huap in hlasak thiam lei ah a min a thang taktak mi le mipi zong nih thazaang an pek I an uar taktak ve mi min thang L. Saing Yi nih Gawh Taung khuapi ah Kawl ti toih puai an tuahnak ah hla a sak ve Hlasak thiam L. Saing Yi hi tlang cung phun a si pin ah khrihfa tha taktak tiah mipi nih ruah mi minthang hlasak thiam pakhat a si.

Mah tluk in mipi nih uar mi Hlasak thiam L. Saing Yi nih Gawh Taung khuapi i Kawl ti toih puai an tuahnak ah hla a sak ve caah mipi lawng hlah a fans zeimaw zat zong nih an soisel ve cang, Hlasak thiam L. Saing Yi nih Gawh Taung khuapi ah Kawl ti toih puai an tuahnak ah hla a sak lio hmanthlak! Kan tar lang chih.

Ram leng thawng tang relchap; Israel Palik nih cun Jerusalem chaklei i Al Aqsa Mosque, Muslim biaknak a zultu hna le Jews miphun ca ah hmun thianghlim cu an va luhhnawh i, buainak a chuah caah Pelestine mi minung 100 hrawng hliam an tuar, tiah Al Jazeera nih a ṭial.

Cuka temple i a um mi pakhat nih cun, “Cawn ninga ni zingka teah minung thong tampi cu thlacamnak ding in Temple ah an ra i, Zingkhua a dei hlan ah Israel palik zong hi a hung phan,” tiah a chim. Buainak a chuah lio video i a langhning ah Palestine mi hna nih cun lung in palik cu an cheh hna i, palik lei nih mipi ṭhawlnak ah mitthli tlaknak siivai khu le granade in an cheh ve hna. Video clip dang i a langhning ah cun thlacam ding i a lut mi hna cu mitthli tlaknak siivai khu nih a zelh hna lio ah hmunkhat ah an i pumkhawm hna.

Palestine Mibawmchantu hna nih hliamtuar mi tam deuh cu siizung ah chiah an si cang, tiah an chim. Temple buainak i a um ve mi pakhat nih cun Temple security hngaktu pakhat cu a mit ah khaihriat(rubber) kuan in hliam a si, tiah a chim ve. Palestine media hna nih cun, Israel palik nih Palestine mibawmchantu motor (ambulance) cu hna an hnawh hna i, temple chung ah hliam tuar mi zeimawzat lakchuah khawh lo in an taang, tiah an langhter

Hilio ah Israel Palik lei nih cun Muslim le Jews mi hna hmunthianghlim Temple ah hin buainak a tuahtu mipi ṭhawl ding in an kal kong an langhter ve. Israel palik hna chim ning ah cun, Temple nitlaklei vampang i Jews(Judah) mi, thla a cam lio mi hna cu Muslim pawl nih lung in an cheh hna caah Judah mi hna lung in a cheptu cu mitthli tlaknak siivai khu in an ṭhawl hna.

Jerusalem khuapi i a um mi Al Aqsa temple hi Jews miphun le Muslim biaknak a zultu hna nih hmun thianghlim ah an ruah i, an tlaihchan tuk mi biaknak hmun a si caah kum fatin thlacamnak ngei ding a thongthong an kal tawn. Biaknak le nunphung aa khat lo mi miphun pahnih an i ton tawn caah hika hmun ah hin buainak a chuak tawn i, ram pahnih Isreal le Palestine karlak zong ah buainak a chuahter tawn.crd- the chin post.

Be the first to comment

Leave a Reply

Your email address will not be published.


*