Singer Dawtmi Nih Zogam Aw Timi Hla A Sak Nak ,, A Mak Lawlaw+ Video

By- Dawt Hlei Tlem: Zogam Aw,,This is my first time singing in Zomi , Please UNDERSTAND If I don’t pronounce the certain words! THANK YOU FOR ALL THE LOVE AND SUPPORT. Note: Singer Dawt Hlei Tlem (Dawt Mi) cu kum no te a si ko nain in kan chin/lai mi chung ah hla sak lei in min thang pakhat kan I ngeih ve mi a si. A tu kan van lang ter mi hi zomi hla a voi khat nak a sak mi a si, A thiam kho taktak. Zomi hla a sak mi zoh/ngai duh mi hna nih mah a link hi wtHleiTlemMusicVideos hmeh piak law video na zoh khawh lai.

Thawng dang: Matupi le Mindat hauka gate lam a zawh mi poh kah ding in nawl chuah mi a zulh duh lo caah ralhraang Captain Yin Ko Oo thong an thlak. Matupi-Mindat lam hauka gate pawng a kal mi poh kah ding in Biohahmu nih nawl a pek mi zulh duh lo in a al cah Matupi-Mindat luhnak hauka Gate a hngaktu,

Captain Yin Ko Oo cu anmah ralhraang lila nih thong an thlak tiah theih a si. Cuka hauka gate an hngah mi a pal mi poh kah ding in Biohahmu nih nawl a pek hna nain ralhrang Captain Yin Ko Oo le a kuttang ralkap pawl nih theihthiamnak in nihin tiang mizapin cu an kal ter zungzal hna.

Cpt. Yin Ko Oo cu cunglei upa nih chekhlatnak an tuah lio ah, ‘sualnak ngei lo rammi ka kap kho hna lo. Biohahmu, nangmah hi tah kah ding si law na duh ve lai maw,’ tiah biahalnak a tuah chin,” tiah ralhrang chung in thawngpe tu pakhat nih a chim. Cpt Yin Ko Oo hi thong an thlaknak ni hnih thum hrawng si cang i zeitik tiang thong a tla lai a fiang rih lo. Photo: Matupi peng Thiboi ralhraang camp a si. Crd- the hakha post

Thawng dang: NUG Cozah kum khat a tuan chung ah, minung hawi zawnruahnak tangka Kyats 2.73 Billion bawmhnak a pek. Cozah an tuannak kum khat chung ah minung hawi zawnruah bawmhnak tangka Kyats 2.73 Billion hman a si tiah NUG Cozah, Minung Hawi Zawnruahnak le Kokek Raal lei Tawlrelnak Minister zung nih cathanh a chuah.

Hi bawmhnak an pek mi chung ah umhmun chuah taak in raal ruang ah a zaam mi hna ca ah Kyats 1334.20 Million, mizapi eidin lei timhlamhnak ca ah Kyats 803.90 millions, CDM a tuah mi Cozah riantuan hna ca ah Kyats 228.99 Millions, Kahdohnak ruang ah a nunnak a liam mi hna le chungkhar hna ca ah Kyats 113.72 Millions, khawnden fawi mizapi hna ca ah,

Kyats 82.39 Millions, Ramkhel ruang ah thong a tla mi hna ca ah 44.25 Millions, Kokek harnak ruang ah hliam a tuar mi le har a tong mi hna ca ah Kyats 10. 62 millions le minung hawi zawnruah bawmhnak ca ah 113.49 million cu bawmh an si tiah an chim. Ramkulh le ramthen ning in an bawmh ning ah, Karen ram ca ah Kyats 615.80 Millions,

Sagaing Ramthen ca ah Kyats 411.98 Millions, Karenni (Kayah) Ramkulh ca ah 281.25 Millions, Chin Ramkulh ca ah Kyats 220.61 millions hna an si. A liamcia March 28 tiang UNHCR nih a chim ning ah Myanmar ram chung ahhin ralzaam dihlak minung 904,600 kan si i, hi chung ah minung 558,000 hi 2021 February 1 hnu in inn le lo ah um ngam loin a zaam mi an si. Crd- the hakha post

Be the first to comment

Leave a Reply

Your email address will not be published.


*