Shan Hriamtlai RCSS Hriam Tampi He Zeimawzat Tlaih An Si

Shan ram ah hriamtlai in a um ve mi RCSS hriamtlai phu cu an hriamnam zei maw zat he an tlaih hna tiah theih a si. Shan ram chaklei ah hriamnam he a um ve mi RCSS hna cu Shan ram hriamtlai phu tthiamtthiam SSPP timi phu nih minung 1000 tluk he an kah hna caah an hriamnam tampi le phaisa tampi he an tlaih hna.

Rabawi San Khe hruaimi RCSS hi Min Aung Hlaing nih uknak a fir hnu in Shan ram chaklei ah a rak kai mi an si. Hi hna pawl hi an hrambawngh ding hi kan i tim lo, Shan ram thlanglei ah i tthial dingin kan ti ko hna, asinain Min Aung Hlaing he remnak ser in Pyi Thu Sit dirh an i timh caah kan kah hna nak hi a si tiah SSPP in chimnak nawl ngeitu nih a chim.

February 8-9 kahdohnak ah RCSS i an hriamnam vialte hna le phaisa le minung zong an tlaih hna le an chuh khawh hna hi a si. Hi lio ahhin MAH ralhrang pawl nih RCSS lei ah ttang in vanlawng in SSPP pawl cu an kah bawmh hna tiah a chim chap. RCSS hi SSPP lawng siloin TNLA he zong ai kap lengmang mi an si.crd-suimilam media.

Thanwg pang dang relchap; Kaw Lin Ah Khuami Pahnih Le PDF (4) Thah An Tong! Sagaing ramthen Kaw Lin peng chung Pha Lay khua ah SAC ralhrang ralkap hna nih Febuary 8 zinglei sml 6:00 ah kahdohnak tuah in an rak luhhnawh caah khuami pahnih le PDF (4) an thah pinah minung umnak inn (2) mei an khangh tiah theih a si.

Thazaang 100 lengkai a ummi SAC ralhrang ralkap hna nih khua chungah an rak luh tikah biahalnak zeihmanh tuah loin minung umnak ah meithal an kah colh tiah himnak a herh caah min langhter a duhlotu pakhat nih The 74 Media nih a chim. Khuami pahnih le PDF (4) nunnak a liam i, minung umnak inn (2) zong an khangh.

Kahdohnak zong a um lo i, khua chung an luh lecangka in meithal in an kah colh. Biahalnak an tuah lo, mi tlaih zong an hmang lo, an hmuhmi paoh cu an kah” tiah a chim. Cu ralhrang rual cu Febuary 6 ah khan Kaw Lin khuapi in ke in a rak rami an si i, Febuary 8 zingka ah Pha Lay khua in an chuak i, Shew Bo, Myit Gyi Na khua leikap ah pehzulh in an kal tiah amah nih a chim.

SAC ralhrang nih Kaw Lin khuapi chungah kahdohnak tuah in an rak luh caah Kyaukh Pin Tha khuami le pawngkam khua mipi hna cu Kaw Lin, Shew Bo, Myit Gyi Na motor lampi ah motor, cycle hna hmangin himnak hmunah an zaam tiah theih a si. Kaw Lin peng chung Pha Lay khua cu inn 600 lengkai, minung 3000 lengkai umnak khua a si i, Febuary ( zongah himnak hmunah an zaam pah cang tiah theih a si.

Sagaing ramthen chungah SAC ralhrang le PDF karlak ah kahdohnak a fak ngaingai i, Kaw Lin peng chungah January 27 ah khan SAC ralhrang nih hriamngan hmangin an kah caah Kaw Lin peng Kan Lay Gyi khua chung inn pakhat cungah tla in a puak tiah theih a si.crd-the federal times.

Be the first to comment

Leave a Reply

Your email address will not be published.


*