Sagain Le Chin Ramkulh Chungah Aum Mi Ralhrang Riahbuk Cu CDF Nih An Phomh Hna I Ralhrang Minung 7 An Thi

Sagain ramthen, Kalaymyo thlanglei kap Yan Gyi Aung khuate ah aum mi ralhrang pawl cu Kalay,Kabaw, Gankaw CDF le Hakha CDF phu hna i fonh in February 16 Zanlei Sml 4:00 ah an luh hnawh hna i ralhrang lei in 6 an thi tiah CDF-KKG nih thawng an thanh. An i kahdoh chung hi Sml 1:00 tluk hrawng a sau nain Chin miphun vengtu phu lei tu cu hliamtuar um lo tein hnu an phil kho than tiah theih asi.

Kahdoh mi ralhrang phu nih tuni January 16 ah khuachung inn 3 cu mei khangh in an hrawh,cun nizan January 15 zongah inn 5 mei in an khangh hrawh tiah CDF- KKG sin in theih asi. Cu ban tuk thiam in Chin ramkulh Matupi -Paletwa motor lam, Hte Boi khuate ah aum mi ralhrang riahbuk cu tuni January 16 Chun Sml 12:50 hrawngah CDF Matupi nih an kah hna i ralhrang 1 a nunnak aliam tiah CDF Matupi nih thawng an thanh.

Tu ni January 16 zinglei Sml 9:00 hrawngah hramhram in uknak latu ralhrang nih Bomb an hmanh mi Hte boi khuate ah aum mi khuachung mi 1 nih a lamh sual i hliamhma fak tuk a tuar tiah CDF Matupi sin in theih asi. crd-21TCT

Thawng dang relchap; National United Government (NUG) cozah ah fimcawnnak le ngandamnak lei vuanci Dr. Zaw Wai Soe he tonnak kan ngei tiah France hluattaw palai Joelle Garriaud-Myalam nih a hmanmi social media ah a langhter. Cu tonbiaruahnak ahcun Asia Medical Aid Association i chairman simi Professor Alain Patel telh in a riantuanti hawi hluattaw palai dang zong an tel tiah a chim chih.

Cupinah National United Government (NUG) cozah cu Kawlram cozah a si tiah a langhtermi zong hmuh a si. Minung le minung i zawnruahnak le bawmchannak hi laakhruak dirhmun in a herh caah France ram nih ram caah pasaltha simi hna hi a bikin bawmnak kan pe hna lai tiah France hluattaw Joelle Garriaud-Maylam nih a tial. Cu tonbiaruahnak kong he pehtlai in NUG cozah nih thawngthanhnak zeihmanh an chuah rih lo tiah Deltanewsagency nih a tial.crd-TFT

Be the first to comment

Leave a Reply

Your email address will not be published.


*