SAC Nih Helicopter 2 Le Vanlawng 2 In Bomb An Thlak + Video

Karenni ramkulh, Demoso peng Ciohsekaan  le Tesulay khua ah SAC ralkap thazaang tampi he rallam a sial mi ralbawi(sit-cawng-hmu) aa tel mi ralkap phu cu Karenni-PDF phufonh hna nih an kah hna i ralkap a thi mi an tam, tiah DMO- Local PDF (Demoso) nih an thanh. Demoso peng, Nguaitaung khuakomh Aungchiantar khua, Ciohsekaan le Tesulay khua hna ah nizaan March 7 ah chunnitlak deng kahdohnak a chuak i SAC ralkap lei a thi mi an tam, tiah theih a si.

SAC ralkap lei nih vanlawng in an kah tuk caah kanmah lei zong aa kawng deng mi an um ve, tiah DMO PDF in chim phuannak nawlngeitu nih a chim. SAC ralkap lei nih kahdohnak a chuah lio chun Sml 12 hrawng ah helicopter 2 le vanlawng 2 in voi 15 bomb an thlak pin ah zaanlei Sml 7 zong ah vanlawng 1 in bomb an thlak ṭhan i mipi inn 15 a rawk, tiah theih a si. Nihin March 8 zing Sml 2 zong ah vanlawng 1 in bomb an thlak ṭhan i RC Biakinn pakhat a rawk, tiah theih a si.

Karenni ralkulh chung ah thazaang tampi he rallam a sial mi SAC ralkap hna cu tualchung hriamtlai phu DMO-Local PDF(Demoso), Loikaw PDF, Phekhung PDF, Moebe PDF, CTU, Central Region Task Force, KNDF, KA, KGZ, GZ-21 le a dang dohthlennak tuahtu phu hna i bawm in an doh hna, tiah theih a si. Crd- the chin post. Note: Mah a link hi .facebook.com/videos/9 hmeh piak law video na zoh khawh lai.

Thawng dang: Interim Khumi Affairs Coordination Council(IKACC) Nih Mizapi Sinah Theihternak Cathanh An Chuah. Caan karlak Khumi miphun funtomnak council tonpumh biaruahnak cu March 5-7, 2022 chung ah a himnak hmunhma pakhat ah tlamtling tein tuah khawh a si cang. Chairman, Vice Chairman, Member of Central Executive Committee le Chinland Defence Force (Paletwa) ṭuanvo ngei hruaitu hna telh in palai dang hna zong tlamtling tein an i tel kho, tiah theih a si.

Cu tonpumhbiaruahnak ah cun Paletwah peng i atu lio ramkhel lei, kahdohnak kong le mipi lei cawlcanghnak kong hna ceih a si. Cun, Palatwah peng hmailei ramkhel kong le dohthlennak ca rianṭuannak kong ceih a si fawn. Caan karlak mizapi uknak bu, runvennak lei bu hna zong dirh a si.

Kanmah council lei in dohthlennak caan chung ah ICNCC, CNF, CRCH, Chinland Joint Defence Committee (CJDC) telh in Chin ramkulhchung khuapau dohthlengtu phu hna he hmunkhat ah rianṭuanṭi in Chinland chak le thlang funtom in a herhning in rian zong ṭuan a si lai.

Kanmah council nih Chinland Paletwah peng um mizapi hna humhimnak, daihnak le mizapi zalonnak ding ah kan ram sining he aa tlak in zapi telkhawhnak lam hna cu kan ser lai, tiah Interim Khumi Affairs Coordination Council(IKACC) nih mizapi sin theihternak cathanh an chuah. Crd- the chin post

Be the first to comment

Leave a Reply

Your email address will not be published.


*