SAC nih CDM a tuahmi siangcachim 200 leng a tlaih hna, 24 an thi

The Chinland Post | 2022 July 22 – Myanmar ram pumpi ah siangcachim sing 4 le cheu leng an um i hramhram in uknak lak a si hnu ah CDM a tuahmi siangcachim sing 2 leng an um tiah NUG nih a thanh. Hramhram in uknak lak a si hnu kum 1 le cheu caan chungah CDM a tuahmi siangcachim 209 SAC ralkap nih an tlaih hna i SAC ralkap tlaih/thah ruangah CDM a tuahmi siangcachim 24 an thi tiah AAPP nih a thanh

Cu kong he pehtlai in RFA nih a chimmi The Chinland Post nih kan rak langhter chin.crd-the chin post. Mah a link hi https://www.facebo /videos/167742 hmeh piak law a vidoe na zoh khawh lai. Thawng dang- President Biden Covid Zawtnak A Ngei, Tiah White House Nih A Fehter! United States President Joe Biden cu covid zawtnak symtoms a ngei i, covid zawtnak a ngei tiah ṭuanvo ngeitu nih an fehter. President Biden zawtnak cu a fah tuk lo caah siizung chiah hau a si lo i, a rian zong White house in a pehzulh lai, tiah theih a si.

President Biden cu covid raikhamsii(vaccine) dose tling tein aa chunh cang pinah booster shot zong voihnih tiang aa chun cang mi a si nain covid zawtnak zohnak/cheknak phunhnih Antigen le PCR in covid zawtnak cu an hmuh. President Biden covid zawtnak a ngeih kong cu amah zohkhenhtu siibawi Kevin O’Connor nih cakuat in White House chimphuannak nawlngeitu Karine Jean-Pierre cu a chimh i, nihin cawn nili ni ah Jean-Pierre nih mizapi theih ding in a thanh colh ve.crd-the chin post.

Thawng dang-US Ministry of Foreign Affairs nih vawlei cung ah tlawnlo ding in ah țihnung bik mi ram 7 cazin a langter i  Myanmar ram cu a pakhatnak ah a si.Ramchung a buai ruang ah le  kahdohnak a chuah ruang ah US rammi hna Myanmar ram khual tlawng lo ding in a langhter i tlaih a tong mi zong an tam chin lengmang tiah US Ministry of Foreign  Affairs nih thawng a thanh.

US Ministry of Foreign Affairs nih vawlei cung ah tlawnlo ding in ah țihnung bik mi ram 7 cazin a langter i  Myanmar ram cu a pakhatnak ah a si. Ramchung a buai ruang ah le  kahdohnak a chuah ruang ah US rammi hna Myanmar ram khual tlawng lo ding in a langhter i tlaih a tong mi zong an tam chin lengmang tiah US Ministry of Foreign  Affairs nih thawng a thanh.

Buainak le hriamtlai kar kahdohnak a chuahnak hmunma pawl US Ministry of Foreign  Affair nih a langhter i Chin ramkulh Paletwa, Matupi, Kachin ramkulh Bhanmaw, Moe Kaung, Phakanh, Manse, Moe Mouk, Sunparabone Tanine, Wai Maw, Shan ramkulh, Hupan Thein Ne , Mine Kine NinghSam atmatoo Namkhaan Kaya Karenni  ramkulh Shiataw Karen ramkulh Phapun pawl an si.Cu pin ah Shan ramkulh chaklei kap pengkulh hna le, Kachin, Rakhine le Chin ramkulh, Naga ram hmunhma pawl zong an i tel.

Autrilia Ministry of Foreign Affairs nih tlawn ding in a khenkham ve mi ram cazin ah cun Iraq, Afghanistan, Ukraine a si i Myanmar ram zong aa tel. Khenkham mi ram ah phak a si ah cun tazacuai, thongthlak,. hremnak tuar ding le thihnak tiang a phak khawh cah Embassy zong nih bawm awk a har ngai caah bawmh khawh a si lai lo tiah cathanh an chuah ve. US Ministry of Foreign Affairs nih tlawnding țihnung ram 7 a thanh mi ahcun Myanmar,Hongkong, Iran, Iraq,N. Korea, Russia le Venezuela ram hna an si.crd-the chin post.

Be the first to comment

Leave a Reply

Your email address will not be published.


*