Russian Nih Drone Hmang In Zinan Inn Pi Bomb In A Kah Lio + Video

Russian le Ukraine kar buainak cu tu nii tiang in a dai kho rih lo. Russian cu Ukraine a kahdohnak ah tam pi a sung cang tiah mi zei poah nih an langter cio. Ukraine cu a mipi le a ram tam Russian nih hrawk piak cang nain Russian nih tu tiang a tei kho rih lo. Tu kan van lang ter mi zong hi Russian nih drone hmang in petroleum warehouse (Zinan) inn pi cu bomb in a phomh than nak video a si. Zoh duh mi hna nih mah a link hi .com/xendanweb/videos/ hmeh piak law video na zoh khawh lai.

Thawng dang: Vawlei cung laksawng pek mi lak ah mi nih uar mi Oscar Award peknak puai ah Will Smith nih puai hruaitu Chris Rock a bengh mi cungah Oscar team nih cun fak deuh in hmalak an i tim tiah BBC nih a langhter.The Oscar Film Academy nih cun Will Smith cu maw an phurh caah California phunglam ning tein hma lak an i tim cang.

Chris Rock nih cun zawtnak ruangah a sam a tlong dih mi Will Smith nupi Jada Pinkett Smith cu G.I.Jane movie ah lukong in lem a cang mi Demi Moore he a tahchunh caah a pasal Will Smith nih a va benghnak hi a si. King Richard” timi muicawl ruangah Oscar Award cotu Will Smith nih a bengh mi Chris Rock theng siloin nawlngeitu pawl sin ah ngaihthiam halnak bia a chim. Cun ‘ dawtnak nih cun hruh thil an tuah ter ko lai’ tiah a chim chap. Crd- the federal times.

Thawng dang: Chin ramkulh Hakha khuachung nizaan March 29 ah SAC ralkap thilphor helicopter pakhat tlaknak kongah helicopter khaltu pilot pahnih hna cu checkhlatnak tuah in hmalak an si lai tiah SAC Airforce he ai neihniammi nih an chim. Nizaan March 29, zinglei suimilam 9:20 hrawngah Hakha khuachung ah a tlami SAC ralkap helicopter cu pilot bu-hmu Naing Oo le bu-hmu Zin Lyin Zaw nih an khalhmi a si i,

Cu helicopter cu Naypyidaw vanlawng tual in helicopter number 6609 a si tiah theih a si. SAC ralkap lei in chimphuannak nawlngeitu Zaw Min Tun nih cun khuacaan tthatlo ruangah helicopter a tlak hi asi tiah a chim nain, an mah SAC ralkap chung ah cun helicopter tlaknak kong ah checkhlatnak tuah in a khaltu minung pahnih hna cu hmalaknak tuah an si lai tuah theih a si. Crd- the chin post

Be the first to comment

Leave a Reply

Your email address will not be published.


*