Ralhrang Thi Hna Cu, An Ui Hawi Le Nih An Ruak An Khanghnak Hna Hmun Le An Ruhro Pawl +Video

Nai Halkha in Zokhua peng lei kalmi hna ralhrang an thahmi hna ruak an i khanghnak a si. CNA le CDF Halkha nih uico tam lakte an rak phil ko hna hih. Uico an thih ah hin vawlei ah an i phum duh tilo,a khangh in an i khaang peng. A peitlai mi rel chap: Halkha peng Zokhua tlangtluan lei kal ralhrang thi hna cu, an ui hawi le nih an ruak an khanghnak hna hmun le an ruhro pawl. Crd- Salai William HC. Note: Mah a link hi /william.hrangsai/videos hmeh piak law video na zoh khawh lai.

Thawng dang: Kalaymyo Sipin Motor Cu Chitkhat Kan Hlan Chung Tiah Kalay Area Hriamtlai Phu Nih Cathanh Chuah! Kalaymyo ah Sipin motor (3) cu Kalay Civil Armed Force nih caan karlak kan hlan chung i, mipi cozah a dir than tikah kan up than te lai tiah March 31 ah cathanh an chuah. Hnawm hlonnak Sipin motor (3) cu March 29 ah Se Gyi hlei pawngah anmah nih an chuh hna hi a si.

Kalay Civil Armed Force i cathanh an chuahmi ningin mipi cozah a chuah than khawh nakhnga raltuknak ah kan herh caah hramhram in uknak latu ralhrang kuttang ah riantuantu Non-CDM zohkhenhmi hnawm hlonnak motor (3) cu caan karlak kan hlan chung tiah an langhter. Federal Democracy a chuah than hnu, mipi cozah sinah kan up than te lai tiah an langhter chih. Atu bantukin Sipin motor an chuhsak ruangah Kalaymyo lutlaibik nih Tahan Barzar le,

Pawngkam inn vialte cu mei kan khangh dih lai tiah amah he naihniammi Tahan mi pakhat sinah a chim tiah theih a si. Pehzulh in hramhram uknak latu ralhrang riantuannak ah thazaang a petu Non-CDM hmanmi motor cu caan karlak kan hlan chung ruangah mipi i hlonmi hnawm charnak a hnursuan ahcun kanmah Kalay Civil Armed Force santlaihlo ruangah a si lai caah rak kan theihthiam/ngaithiam hram u tiah ngaihthiam kan in nawl hna.

Nihin ni tiangah mipi nih harnak nan tonnak nakhnga lo, raldohnak cu a si khawh chungin ralring taktakin cawlcanghnak kan tuah i, hramhram in uknak latu ralhrang i riantuanmi a tlamtlin nakhnga lo timhciam tein kan doh hramhrammi lawng a si i, mipi sawhsawh cungah siseh (ralhrang ralkap a dirhkamtu mipi cungah siseh) zeihmanh harsatnak le fahnak zong kan pek rih lo tiah cathanh an chuahmi ahcun an langhter. Crd- the federal times.

Be the first to comment

Leave a Reply

Your email address will not be published.


*