Ralhrang Sakhaan Pawngah Mei A Kang Cuahmah

Hakha SAC Ralhrang Sakhaan (266) Pawng Rammei a Kaang Hakha Rungtlang SAC ralhrang sakhaan (266) pawng ah rammei a kaang cuahmah Zei ruang ah dah mei a kangh timi belte fiang in theih a si lo.crd-the chin journal. Ca dang relchap; Minkin-Kalaywa Motor Lampi Ah Zatlang Citmi Motor Pakhat Bomb Puah Nakin Minung (7) An Thi!.

Sagaing ramthen, Minkin le Kalaywa karlak motor lampi ah Hondafit motor rangmi pakhat cu April (5) chun sml 1:00 hrawngah bomb lamhsual in a puah caah minung (6) ruak cu hmuh an si nain minung pakhat ruak hi hmuh a si rih lo tiah theih a si.

Cu motor cu Minkin khuapi in Kalaymyo ah a kalmi a si i, bomb pahnih bak pehzulh in an puak. Motor cungah a thumi hna cu: 1. U Soe Ya Ya, 2. Daw Nueh Nueh Lin, 3. Mg Ye Yinh Thu, 4. Ms. Yun Leh Wai, 5. U Than Win Maung, Mg Pyay Phyu Wai hna i ruak cu an hmuh nain Moe Sanda Myint ruak cu an hmu rih lo.crd-the federal times.

Thawng dang relchap; Kawkareik peng Taungkyarinn khua palek sakhaan le sianginn i umhmun khuar Council ralhraang hna cu KNLA phukomh nih an kah hna i an laak, Karen ramkulh, Taungkyarinn khua palel sakhan le sianginn ah umhmun a khuar mi Council ralhraang hna cu April 4 zaanlei ah KNLA le tangti phukomh nih an kah hna i an umnak an laak.

Palek sakhaan cu an khangh tiah thawng kan theih. Taunglyarin palek sakhaan cu a kaang dih i a pawngkam le sianginn pawngkam ah Council ralhraang ruak an um tiah tualchung mi nih an chim. Taungkyarinn palek sakhaan lawng siloin hmundang zong an laak nain humhimnak ruah ah kan langhter lo tiah KNLA tangti phukomh in pakhat nih a chim.

Taungkyarin palek sakhaan le sianginn i a um mi ralhraang hna cu KNLA nih an kah hna lio ah Kawkareik ralhraang hna nih hriamngan in an rak kah bawmh hna ca ah hriamngan kuan cu Taingkyarinn khuachung ah tla in a puah ca ah khuami in cheukhat a rawk. Nihin Taungkyarinn palek sakhaan kahdohnak he pehtlai in KNU nih phunglut in thanhnak a tiah rih lo.crd-the hakha post.

Be the first to comment

Leave a Reply

Your email address will not be published.


*