Ralhrang Lei Rian Tuan Tu 100 An Rian In An Chuak Cang

Zi U khua , nithum chung ah ralhrang lei rian tuan tu 100 an rian in an chuak . Sagaing ramthen, Zi U khua rallokap lei fimcawnnak le i uknak lei a tuanmi hna minung 100 leng cu february 7 – 9 nithum chung ah an rian an chuak tak tiin Fimcawnnak lei kap riantuan tu hna nih an chim. CDM a tuahmi siloin rianchuahnak cathanh hnu ah rian in kan chuak” tiah min langhter duh lomi pakhat nih a chim.

Mipi ralkap nih an iap hna hnu ah Zi U PDF nih ca an thanh lo nain tu thla ni 15 a hnu bik chiah in cachimtu vialte nan rian in chuak dih uh ti thawng kan thei caah  kan chuak dih hi a si, kan chuah loh cun an kan thah dih lai. CDM le an cohlang ti loh, cucaah tihin kan chuak dih , zeibantuk cozah hmai kai seh kan tuah ti lai loh ti khi si ko” tiah an chim fawn.

Zi U ah khuabawi lei i uknak 67 a um nain an zapi ti ngalcha in an chuak. Fimcawnnak lei ah 1380 – 90 fai an um nain CDM an tuah ngot tiin theih a si. Zi U PDF nih tangka thap in celmi le ralhrang chuak thilri biatak tein an khap zong thei a si. February 8 ah ralhrang thawng zamhtu a si an timi hna pa 4 an thanh fawn hna. Zi U khua ah ralkap pawl an i chawk len nain Zi U- Tan Sin Lam hman lo ding in PDF nih an rak thanh cang. Crd- 21TCT.

Thawng dang: January 24-30, 2022 tiangah Australia ram ah International students visa in a lut mi minung thong sarih ( 7,000) an tling. November, 2020 tiangah International students visa a sok mi minung thong sawm-nga le thongruh ( 56,000) an phan. Australia nih International students visa fees return ( kirh) a timh mi hna cu 19 Janauary to 19 April 2020 hlan tiangah Australia ram a lut mi ca tiang lawng an si rih.

Australia cozah nih International Students caah level upgrade an tuah mi ah um. Chin miphun tampi nih an ngah mi (vocational course) hi cu atu lio dirhhmun cun visa ngah a har ngai cang. A fawi nak in chim ahcun atu lawlawseh caah cun chance ah um ti lo. Lawlawseh an phih tluk a si. Atu lio Australia nih International Students visa an pek mi hna students minung ( 7,000) hna hi.

A bik in BA, MA, le Ph.D ( Degree course) ca lawng hi an cohlang mi hna an si. Cu caah Lai mi tampi nih Australia ram lei ah Students visa in kan kal ve lai ti ahcun ( Degree) course lawlaw ti lo ahcun Visa ngah a har tuk. Note: Ahua ha lo ah Agents pawl sinah phaisa tam tuk dih ding in Australia students visa sok ai timh mi caah level theithiamnak ding caah ka tial mi a si. crd-21TCT

Be the first to comment

Leave a Reply

Your email address will not be published.


*