Ralhrang Bawm Chantu Pa Cu Kuanfang He Ralrin An Pek Cg

SAC Ralhrang Sinah Dizil/Datsi Bawmnak Petu Tiah Ruahmi U Chit Khine Paing Denko Ngeitu Cu Phaisa Sing (100)Leng Chuhsak A Ton Hnuah Kuanfang He Ralrinnak Pek A Tong! Yangon khuapi chungah dizil/datsi tibantuk cu SAC ralhrang ralkap sinah bawmnak a pe tawntu pakhat a si tiah ruahmi U Chit Khine Paing Denko ngeitu sinin phaisa sing 100 lengkai an chuhsak hnuah kuanfang he ralrinnak pek a tong tiah theih a si.

Yangon khuapi chungum Denko dawr in phaisa a fimtawltu motor pakhat cu Febuary (7) ah Taung Dagon an phak zawnah lampi in phihkhan an tong i, phaisa vialte an chuhsak pinah SAC ralhrang ralkap he riantuantu Denko ngeitu U Chit Khine Paing cu kuanfang pakhat kuat chih in ralrinnak an pek tiah theih a si.

A hmasa ahcun motor cu motor in an pah chih hnuah motor cungin mi cheukhat an tum i, phaisa cu an chuhsak, meithal zong an i ken tiah” hmutu pakhat nih a chim. Phaisa chuhsaktu hna nih kuanfang pakhat cu Denko ngeitu U Chit Khine Paing caah an kuat chih i, atu cu SAC ralhrang nih Denko dawrah riantuantu hna cu zohfelnak an tuah tiah theih a si.

SAC ralhrang ralkap Than Shew chan in a rummi U Chit Khine Paing cu bank le Denko, inn sak riantuannak telh in chawhlehthalnak phunphun a tuantu le ngeitu a si. Vawlei kokek chuak le pawngkam thingkung rampar tamtukin siatsuahnak Shan ramkulh ah (ti cet coh mituadat a pe) sehzung cu U Chit Khine i Eden company le Tuluk company hna i fonh in an tuan cuahmah lio a si. crd-the federal times.

Thawng dang relchap; Shew Bo, Seik Khun Khua Cu SAC Ralhrang Ralkap Nih Zaan Ah Mei An Khangh! Sagaing ramthen Shew Bo peng chung Seik Khun khua cu SAC ralhrang ralkap nih Febuary 8 zinglei ah luhhnawh hratin zaan sml 10:00 hrawngah khua lu lei in mei an khangh tiah khuami nih Yangon Khik Thit ah an chim.

Zinglei sml 6:00 thawkin khua in nitlaklei sangin hriamngan vawi (6-7) kah hratin khua chungah an lut. Thazaang 100 tluk an si. Dawr ah an hmuhmi eidin siseh thilri dangdang an hrawh dih pinah minung umnak inn tampi zong an hrawh. Minung 10 tluk an tlaih hna i, minung (2) cu an thi cang tiah thawng kan theih.

Zaan sml 10:00 thawkin khua lu leikap in mei an khangh tiah khuami pakhat nih a chim. Atu ahcun Yua Ka Lay Yua khuafonh simi Seik Khun khua telh in Seik Tha, Hnanh Tha, Bo Tyi Kung khua leikap ah a ummi mipi hna cu an tli/an zaam i, khua chungah kharkhumh a tongtu zong an um len tiah theih a si.crd-the federal times.

Be the first to comment

Leave a Reply

Your email address will not be published.


*