R.I.P: Salai Bawi Rin Sang Nih  Ram Le Miphung Caah A Nunnak A Pek Ee

CNDF ralkap Salai Bawi Rin Sang (18) cu nizaan February 11 ah ralram ah bomb a hmenhmi nih a puah sual caah a nunnak a liam, tiah thawng kan theih. February 10 le 11 ah Chin mipi ralkap bu in Roland Ceu Chin Thang (CDF-Hakha Battalion-2) le Salai Bawi Rin Sang (CNDF) nih ram le miphun ca ah an nunnak an pek.

Thawng dang: Mipi Inn Pawl Siatsuah Tu Ralhrang Pawl Cu Demawhso-PDF In An Va Kapih Ralhrang 3 An Thi. Karenni pine, Demawhso myone, Ngui Taung khua uksu, Aung Chan Thar khua ah tualsung mipi inn pawl boh siatin thil le ri pawl ruk saktu ralhrang ralkap pawl cu Demawhso-PDF in mizan February ni 10, zinglam nazi 9:30 hrawngah an va do ih ralhrang ralkap lamin minung 3 hrawng an thih thu Demawhso-PDF hnenin theih asi.

Hi an doawknak ah hin nazi 1 lenglo rei khatlam le khatlam an kapaw ciamco / PDF lamin sniper thawn an kahnak ruangah ralhrang mi 3 hrawng an thih thu le PDF pawl zohman siatsuah aw um loten dung an sipsal thei thu Demawhso-PDF cun thu an suah. Cui an kahawknak hmunih tualsung mipi neihmi inn 4 pawl cu ralhrang ralkap pawl cun meisa thawn urkang in an siatsuah thu Demawhso-PDF ralhmai nawrtu pakhat cun asim.

Mizan February ni 10 sunah KA / KNDF / PDF tangtlang pawl le ralhrang ralkap pawl karlak Karenni pine, Demawhso, Loikaw le Shan-Karenni ramri Phe Khung myo ti pawl ah doawknak asuah thu pawl theih asi. By The Chin Show

Thawng dang: Shwebu SBDF In Ralhrang Motor Tlar Bomb Thawn An Rak Puah Ih Minung 20 Zikte An Thi. Sagain ramthen, Shwebu myone, Mandalay-Shwebu-Myitkyina lamzin, Khin-U lansung kiangah ralhrang motor tlar pawl cu Shwebu-PDF pawl cun bomb thawn puah in le meithal thawn an kap ciamconak ruangah ralhrang motor 2 asiat ih cumi ah ralhrang minung 20 zikte an thih thu SBDF cun an sim.

Mizan February ni 10 sun, zanlam nazi 12:26 ah Mandalay-Myaitgyina lamzin / Khin-U lansung ah Kala Lu khua lamah ral ara do tu ralhrang motor tlar pawl cu padithar bomb 7 thawn an puah hnu meithal thawn an kap bet ciamco / cu ti ih an donak ruangah ralhrang motor 2 asiat ih ralhrang minung 20 hrawng thi le hlo an um thu le ralhrang ralkap lamin tawngpa kahin an run kah ciamco ih hleiah kiangkap khua ih ar inn pakhat le buh inn pakhat meisa thawn urkang in an siatsuah thu SBDF pawl ih simdan vekin theih asi.crd- By The Chin Show

Be the first to comment

Leave a Reply

Your email address will not be published.


*