R.I.P: Pauk Peng Chiat Kaan Khua Ah YRF Rallap 2 An Nunnak Liam

Pauk peng thlanglei ah a um mi Chiat Kaan khua a khangtu SAC ralkap an doh hna lio ah YRF ralkap: Nay Lin Htet le Ze Ya Aung cu March 5 le 6 ah an nunnak a liam, tiah YRF chungtel pakhat nih Yangon Khit Thit ah a chim. Ralkap Nay Lin Htet cu May 4 ah Chiat Kaan khua SAC nih an khangh hnu kahdohnak a chuah lio ah meithal kuan nih a khen i, thlawp cuahmah a si lio ah May 5 ah a nunnak liam. Cu kahdohnak ah cun SAC ralkap 18 bomb puahnak in an thi, tiah theih a si.

Ralkap Nay Lin Htet hi May 4 ah ah Ciat Kaan khua ah SAC ralkap rallam a sialtu hna nih meithal an kuan thlaknak ah, a paw ah an khen i, thlawp cuahmah a si lio May 5 ah a nunnak liam,” tiah YRF chung tel pakhat nih cun a chim. Ralkap Ze Ya Aung cu May 6 zinglei ah Chiat Kaan khua mipi hna nih ‘khuachung kan lut ṭhan lai’ an ti caah SAC nih bomb an hmanh mi a phoihnak ah bomb nih a puah sual i siizung an kalpi lio ah a nunak liam, tiah YRF sin in theih a si. crd- the chin post

Thawng dang: SAC ralkap nih nawlngeihnak an laak hnu 2021, February 1 in 2022, April 30 tiang, thla 15 chung ah mipi umnak inn 11,417 an khangh cang, tiah Data for Myanmar nih an thanh. Uknak latu SAC ralkap hna nih tualchung hriamtlai phu hna cu an tei hna lo caah tualchung hriamtlai phu lei kap ah a dir mi mizapi inn le lo hna cu meikhangh in an hrawhpiak hna lengah sualnak ngei lo minung an tlaih hna i, an thiri zong an chuhpiak, firpiak hna.

Myanmar ramchung huap ah SAC ralkap hna nih mipi umnak inn le lo an khangh mi cazin cu Data for Myanmar nih ṭha tein cazin laak i, a thanh. Internet hman khawh a si lonak le phone line hman khawh a si lonak hmunhma ah thil sining tlamtling tein hlat awk a that lo caah atu ah langhter mi cazin nakin a tak ah a cang mi cu a tam deuh kho. April thla dongh le May thla thok ah SAC ralkap nih a hlei in Sagaing ramṭhen khuate hna ah pehzulh in inn le lo an khangh hna.crd- the chin post

Be the first to comment

Leave a Reply

Your email address will not be published.


*