Pasaltha Hna Nih Ralhrang Tilawng 5 An Phomh+ Video

Chindwin tiva in a rak kai mi ralhrang tilawng 5 cu mizapi vengtu ralkap phu hna nih nihin February 9 zing Sml 11:45 ah tichung hman mi bomb in an puahhnawh hna i hriamngan le hriamhme he an kah chih hna caah ralhrang hmaikal tilawng 1 an rawk i ralhrang 4 an thi, midang 8 hliam an tuar. Cu ralhrang a thi mi ruak le aa hliam mi hna  cu va la ding in Minkin tilawng dinhnak hmun ah mizaw phor motor nih a hngah hna, tiah theih a si.

Minkin peng, Tuang Phyo khua lei ah a rak kai mi ralhrang tilawng 5 cu MKPDF Battalion 2, tatkhuai 3 le Chindwin Rangers phu hna nih an kah hna i ralhrang hmaikal tilawng 1 cu bomb nih a puah i a rawk, Nga Ung khua tiva kam ah an remh i zanlei Sml 1 hrawng ah Minkin lei ah a kai ṭhan. Minkin khua tilawng dinhnak hmun ah ralhrang a thi mi le aa hliam mi hna phor ding in mizaw motor nih a hngah hna, tiah MKPDF 2 nih cathanh an chuah. Crd- the chin post. Note: Mah a link hi itnews/videos/106 hmeh piak law video na zoh khawh lai.

Thawng dang: Zi U khua , nithum chung ah ralhrang lei rian tuan tu 100 an rian in an chuak . Sagaing ramthen, Zi U khua rallokap lei fimcawnnak le i uknak lei a tuanmi hna minung 100 leng cu february 7 – 9 nithum chung ah an rian an chuak tak tiin Fimcawnnak lei kap riantuan tu hna nih an chim. CDM a tuahmi siloin rianchuahnak cathanh hnu ah rian in kan chuak” tiah min langhter duh lomi pakhat nih a chim.

Mipi ralkap nih an iap hna hnu ah Zi U PDF nih ca an thanh lo nain tu thla ni 15 a hnu bik chiah in cachimtu vialte nan rian in chuak dih uh ti thawng kan thei caah  kan chuak dih hi a si, kan chuah loh cun an kan thah dih lai. CDM le an cohlang ti loh, cucaah tihin kan chuak dih , zeibantuk cozah hmai kai seh kan tuah ti lai loh ti khi si ko” tiah an chim fawn.

Zi U ah khuabawi lei i uknak 67 a um nain an zapi ti ngalcha in an chuak. Fimcawnnak lei ah 1380 – 90 fai an um nain CDM an tuah ngot tiin theih a si. Zi U PDF nih tangka thap in celmi le ralhrang chuak thilri biatak tein an khap zong thei a si. February 8 ah ralhrang thawng zamhtu a si an timi hna pa 4 an thanh fawn hna. Zi U khua ah ralkap pawl an i chawk len nain Zi U- Tan Sin Lam hman lo ding in PDF nih an rak thanh cang. Crd- 21TCT.

Be the first to comment

Leave a Reply

Your email address will not be published.


*