Pasaltha Hna Nih Ralhrang Gate Check Pawl An Phomh Hna I 3 An Thi

Tadar U Myo Suahnak Ralhrang Check Gate Bomb In An Puah Ih Palik 3 An Thi / Kyaikhto Le Monywa Khalah Bomb A Puah. Mandalay ramthen, Kyauhtse district, Tadar U myone, myo sung suahnak ih ralhrang Check Gate cu tuini February ni 11 zinglam ah tualsung ralthuamkai pawlin bomb thawn puah in an do ih palik minung 3 an thih thu tualsung hriamkai pawl cun an sim.

PDF sungtel pakhat cun tuini zinglam ah Tadar U myo suahnak, Tadar U Myo Thar lamzin ah tanhmun a khuartu ralhrang Check Gate cu kannih PDF pawl cun bomb thawn puah in kan va do. Palik minung 3 thi in a dang mi 1 in hriamhma a ngah tin asim. Cui hleiah Mon pine, Kyaikhto myone, Muh Palin khua kiang (pho cia zo)lilawn cu tuini zinglam nazi 8:15 ah bomb thawn an puah / cui lilawn cu tlangleng feh theinak lilawn asi ih bomb thawn puah siat asi hnu.

Ralhrang pawl cun lamzin pawl cu an phit theh / hi ti bomb thawn an puahnak ruangah hin ziang ti vek cin tiang a siatsuah ngah timi cu felfai in theih asi hrih lo thu tualsung thuthang asimi (cohthung a tan) cun an sim. Cutivek thotho in Sagain ramthen, Monywa myo khalah tuini zing nazi 9 hrawngah bomb puak awn tum (2) theih asi ih ralhrang ralkap lamin thi le hriamhma tuar an um thu tualsung thuthang pakhat asimi (Mungzua chinduwn zu mah)hnenin theih asi.

Thawng dang: Yangon / Taduhkan Cetzung Ih Tanhmun Khuar Ralhrang Pawl Cu Bomb Thawn Tum 2 An Kapih Ralhrang Minung 20 Hrawng An Thi. Yangon ramthen, Shwe Pay Thar myone, Taduhkancet zung ih ralhrang ralkap thazang 40 hrawng thawn tanhmun an khuarnak building pi cu Area-21 ih hriamkai tangtlang pawl asimi Yangon Federal Army (YFA) le CGF – YGN ttat phuaih pawl cun tangtlang in tuini.

February ni 11 zingpit vanghlan nazi 5:15 ah M 79 , 40MM bomb 2 thawn kap in an do ih ralhrang minung 20 hrawng thi le hlo an um thei thu YFA cun thu thannak an tuah. Cu ti in bomb thawn kapin an va do hnu tualsung hriamkai mipi humhim tu lamin zo hman siatsuah aw umloten dung an sipsal thei thu le tui an donak pawl cu (yangon tan sit datah khuai kuai ke zi a phuaih) ih (pia hlua aung sitsinzi)  ih hngetek pakhat asi thu an thusuah mi ahcun an tarlang. Crd- By The Chin Show

Be the first to comment

Leave a Reply

Your email address will not be published.


*