Nun Thap In Chinram Caah Rian Ka Tuan Lai Ai Timi Nih Cun Chinram Ah Khuasak Hrimhrim A Herh

Nun Thap In Chinram Caah Rian Ka Tuan Lai Ai Timi Nih Cun Chinram Ah Khuasak Hrimhrim A Herh

By- Salai Lungthli Tum: Nun thap in Chinram caah ramrian ka tuan lai ai timi nih cun Chinram ah khuasak hrimhrim a herh, Yangon hrawnghrang ah NGO bawmhnak bawh pah in khuasak i thimnak lai thla 3 aa duh ah parttime in thimnak vun luh khi sullam um bak lo(keimah telh in).

Chin ramri kan kilveng lai tiah aukhuan len tung i mah pumpak kha Kawlrawn ah nuam ngai in khuasak than zong khi sullam um hoi lo, ningzah awk deuh khi a si. Chin party ai timi zong nih Chinram ah hram an bunh awk a si, Chin party ti tung i Chinram ah zungchoh chiah lo cu sullam um bak lo. Yangon hram bunhmi party cu Kawl party tiah auh a hau ve lai.

Ca dang rel rih; by- Salai Lungthli Tum: Mizapi nih an ka cohlan ahcun’ kan ram le miphun caah ka sining dihlak le ka caan dihlak pek in ramrian tuan awk ah July 25 ah biachahnak ka tuah. Ka chawva tiang a herh ning pek ka rak i tim. Nain Nov 8 ah mipi nih an ka cohlang lo. Keimah pumpak caah cun ka sung tiah ka ruat lo.

Thimnak ka luh lio ah kai tinhmi pahnih: Pakhatnak: keimah teinak ngah in eihmuar doh, fimcawnnak lei thlen, JCB zong cawk in thanchonak tampi tuah, kum 40 chung ramrian tuan in CM tiang va tuan te ding khi kai tinhmi cu a si.Mipi nih an cohlang rih lo.

Pahnihnak: kan miphun le ram caah tihnung tiah ka ruahmi party CNLD sunghter ding hi a biapi taktak ah ka chiah fawn, aruang cu CNLD phu an lungput le an biachim(Suu Kyi tiang an thuatmi) ka zoh tawn tikah kan miphun buaiter khotu an si tiah ka ruah caah anmah doh hi miphun dawt phun khat a si ve tiah ka ruat. Ka doh hna i an sung cikcek ve. Ka hlawhtling.

Mee thencheu duh menmen ah thimnak ka lut lo, ka miphun ka dawt tuk ve caah ka miphun caah riantuan ve ding thimnak ka luh kha a si. Ka miphun i a ral tiah ka ruahmi CNLD party doh ding zong kai tinhmi pakhat a si chih.

Leave a Reply

Your email address will not be published. Required fields are marked *