Natchaung Khua A Khangtu Ralhrang Pawl Cu

Natchaung khua a khangtu SAC ralkap pawl cu, Sitha khua an phan cang i Kalaymyo leiin a ra mi zong Thayakung khua lonh te ah an um , meithal zong voi tamtuk an puah. Hriamngan zong voiruk hrawng an puah . Thayakung zong ah a lut pah mi an um i, A tu thawng kan ṭial tiang ahhin Ṭhohcian khua lei ah cheukhat cu a kal chungmi an um tiah khuami pakhat nih The Chin Post ah a chim. Hriamngan an kah caan paoh ahhin phone line hi a chia khun ti zong a chim chap. crd-the chin post.

Thawng dang relchap; Chin ramkulh, Paletwa peng khua hna cu Arakan Army(AA ) nih titoih puai tuah ding in hramhram in an fial hna tiah tualchung mi nih an chim. SAC ralkap an luhchuahnak khuate cheukhat ah Rakhine ralkap AA hruainak in titoih puai an tuahter hna tiah theih a si. Laam an cawnter hna nak zong March thla in a si cang, kannih khua cu titoih puai kan tuah ballo, Hramhram in an kan tuah ter,

Kanmah umnak lei ah SAC ralkap zong tampi an um caah zeitik ah ral a thawhlai tiin thinphang in kan um” tiah tualchung mi pakhat nih a chim.Laam cawnternak ah bia-el a si ahcun dan-tatnak a si tiah a chimchap. Khuachung ah SAC ralkap nih hmat-pung-tin le khualtlung cazin zong an chek peng tiah theih a si. Paletwa peng chaklei ahcun SAC ralkap le Chin ralkap kahdohnak a fah caah,

SAC ralkap hna nih a luancia March 18 in phone line an thah tiah theih a si. Chin ramkulh Paletwah ah SAC ralkap nih hramhram nawlngeihnak an lak hlan ah AA le SAC ralkap kahdohnak a chuak nain, SAC ralkap nih nawlngeihnak an lak hnu ah cun AA le SAC ralkap kar i kahnak cu a dai i, SAC ralkap le Chin ralkap kar kahdohnak tu a chuak,crd-the chin post.

Be the first to comment

Leave a Reply

Your email address will not be published.


*