Mizapi An Tamnak Ah Bomb Puah Ding In An Ti Cang Hih

Mizapi an tamnak dawrthluan, Hlei, Sianginn tel in Miazpi tamnak Public Area pawl ah bomb puah ding in SAC nih an ralkapnle palik pawl nawl an pek hna tiah Palek bawi pawl hna sin in theih asi. SAC nih Public Area ah bomb puah ding in ralkap le palek nawl a pek hna nak hi PDF nih ramchung ah buainak an chuahpi mizapi sualnak ngeilo an thahnawn hna tiah lih in thawngzamh ding ah an tiahmi asi.

Palek bawi pakhat nihcun Bomb a puah lio file kha SAC sin ah ap ding an kan ti, hi bomb puah tu ding ahhin SAC caah zumh a takmi le a hmur a cipmi palek le ralkap an thim hna tiah a chim. SAC nih ai tinh ning ahcun ramchung buainak le puahkehnak le mizapi thahnawnnak hi SAC a dohkalhtu PDF tuahmi an si tiah langhter ai timhmi asi.

SAC thawngzamh simi MRTV, Myawaddi TV pawl zong nih nitin in ramchung buaibainak cu PDF nih an tuahmi a si mizapi sualnak ngeilo an thah hna PDF hi ralhrang an si tiin an chim peng ve. Crd- the chin post. Thawng dang rel chap: SAC Ralhrang Kuttang Thla (5) Chungah Singapore Le Tuluk Investment A Tam Bik, Ramdang Dang Zong Nih Investment An Tuah!

SAC ralhrang ralkap nih Mini Budget tiah rikhiahnak a tuahmi kum 2021 Oct thla thawkin kum 2022 Febuary thla tiangah ramdang investment dihlak zat hi US dollar millions 530 lengkai a lut. Cu chungin Asia ramchung in US dollar 285 millions zat investment an tuah tiah Institute For Strategy And Policy-Myanmar nih a langhter. Cu vialte chungin Singapore nih dollar 277 millions bakin investment tam bik a tuah tiah theih a si.

Taluk zong dollar 118 millions lengin investment a tuah. Thai le Malaysia telh in ramdang zong nih dollar millions (7), dollar sing (3) leng tiin investment an tuah cio. Japan zong nih dollar million (1) lengin investment a tuah. Khuaruahhar pakhat a simi cu Netherlands nih US dollar millions (4) lengkai, France nih US dollar sing (4) lengkai tiin SAC ralhrang ralkap nih nawlngeihnak a laak hnuin a vawikhatnak bik investment an tuah cio hi a si.

Ramdang in investment an tuahmi cu anmahle department cio in American dollar 206 millions, 40% lengin investment an tuahmi hmuh khawh a si. Cupinah thilri serchuahnak zongah a tumhnih nakin tambik a lut i, UD dollar millions 139 bak a lut. Metal kawlhawlnak, Oil le Gas, Innhmun, Sehhmuhzung tibantuk cu investment an tuahmi a um bak ve lo. Crd- the federal times

Be the first to comment

Leave a Reply

Your email address will not be published.


*