Mee Mee Khel A Pasal Brice Nih A Ngeichiat Nak A Lang Ter

Mee Mee Khel A Pasal Brice Nih A Ngeichiat Nak A Lang Ter

Kawlram minthang hlasakthiam Mee Mee Khel cu naite ahkhan a chan tawite in a nunnak a liam ti cu theih dih cio a si. Mipi caah hla thatha a kan a kan chuahpiak khotu hlasak thiam pakhat nih a kan liam tak tikah chungkhar sahlawh rualchan hna lawng siloin Kawlram chung a fan vialte zong nnih an ngaihchiatnak an langhter cio hna.

Cu lakah Mee Mee Khel pasal Ko Brice zong  nih a nupi Mee Mee Khel nih a liamtaknak a ngaihchiatnak capar pakhat cu a tanglei bantukin mipi hmuh kho ding in a kan tar piak ve. 2020, Octoberr 16 ni ahu kan chungkhar nih kan bochan tuk mi Mee Mee Khel nih  a kan liam tak caah kan ngaihchia hringhran.

Mee Mee Khel he fanu fapa pathum ngeih in chungkhar a kan serphiaktu Pathian cung zongah kaa lawm. Mee Mee Khel hi kan i umh hnu kum 5 leng chungah Mee Mee Khel nih a ka dawtnak, a ka zohkhenhnak le nuam saihnak in nihin nuam tein caan kan rak hmang.

Mee Mee Khel cu a luancia kum 3 in a thih tiang, a hnuk cancer zawtnak fah tuar in nitin caan a hmang. Sau ka nung ti lai lo timi aa theih ahhin a thabik le dai tein um khawh kan i zuam. Mee Mee Khel a um ti lo nain a hla pawl le a tuanbia a hmun  lai.

Kan chungkhar nih ngaihchiat kan ton lio le kan harsat lio caan ah lam phunphun in a kan bawmhchanhtu pakhat cio cungah lunglawmhnak tampi kan ngei. Australia le Kawlram in chungkhat vialte hna zong Mee Mee Khel caah thlaza nan campiakmi kan in theih dih hna.

Cu lawng siloin Mee Mee Khel  nih kum 20 chung hla a sak chungah  thazaang a petu a fan pawl nan dihlak cung zongah lawmhnak tampi kan ngei. Mee Mee Khel a ingtuarnak kong ka tial kho rih lo caah nan ka theihpiak thiam lai ti zong zumhnak ka ngei. Zungzal in kan dawt lai EH aw” tiaah Mee Mee Khel facebook in a tial hi a si.

Mee Mee Khel a thih ahhin kum 37 te lawng a si rih i, a fanu upabik Phyu Phyu Sin Sin Lynn, a fanu lai Narnia le a fapahniang Napolion a hrin hna. A fanu upabik Phyu Phyu Sin Sin Linn hi minthang hlasakthiam Htoo El Lynn he an ngeihmi a si.

Leave a Reply

Your email address will not be published. Required fields are marked *