MATUPI PENG AH PASTOR PAHNIH BOMB I LAMHNAK IN HLIAMFAK AN TUAR

Lawngtlai 6 Vaupi 2022 : Chin ramkulh Matupi peng Rezua khua siangniamrun kulhchung ah 2 Vaupi 2022 ah Khrihfa pastor 2 nih bomb an i lamh caah hliamfak an tuar tiah theih a si. Bomb a lamhmi pastor pahnih hna cu Pastor Romeo ( kum 37) le Pastor Tin Za Lian (kum 43) hna an si. Pastor Tin Za Lian cu a ke pakhat a bul caah Mizoram ah sii-ai thlo in a um.

Khuadang ah kal an i tim lampi ah hi sianginn kulhchung ah an lut, hi sianginn hi a hlan ah Matupi in ralbawmtu ding ralhrang umnak a si, ralhrang cu an i thial cang, an i thial lai ah an hmanhtak mi a si, bomb a lamhmi pakhat hi a ke a bul” tiah khuami pakhat nih a chim. Ralhrang lei nih thanhnak an tuahmi ahcun CDF nih an hmanh mi bomb i lamhnak in Pastor pahnih hliam an tuar tiah an thanh.

Asinain CDF Rezua nih cun hi bomb hi Matupi peng in Rezua ah ralbawm dingin a phanmi ralhrang nih an hmanhmi bomb a si tiah an chim. Hi bomb cu ralhrang nih an hmanhmi bomb a si i thianhhlimhnak an tuah lo caah khuami hna cu a pawngkam ah i chawhleh lo dingin CDF Rezua nih ralrinpeknak an thanh.crd-the lairam times.

Thawng dang relchap; Ramchung Hmunkip Ah SAC Ralhrang Nih Mipi Ngeihmi Inn An Chuhmi 550 A Phan Cang! Kawlram ah SAC ralhrang nih nawlngeihnak a laaknak kum 2021 Febuary 1 hnuin mipi ngeihmi inn an chuhmi zat hi 550 bak a phan cang tiah AAPP nih cathanh an chuah. Inn chuhsak a tongtu hna cu NLD party, hluattaw palai telh in NUG cozah, CRPH le PDF pawl he aa pehtlaimi inn lawngte an si tiah an langhter.

Hi bantukin inn siseh dawr khan tibantuk chuhsak an tonmi kongah Sagaing ramthen ah a tambik a si i, a changtu ah Yangon ramthen a si. Inn chuhsak a tongtu hna cu tlaih dingin nawlpek a tongtu le an tlaihmi lawngte an si nain tlaih a tongtu hna i cingla rualchan inn le ngeihmi tiangin an chuhsak tiah AAPP nih a langhter.crd-the federal times.

Be the first to comment

Leave a Reply

Your email address will not be published.


*