Lam Le Hlei Zulh Ngam Ti Loin Ralhrang Pawl Ti Lio In Varal An Pek + Video

Khah thanwg tha, pasal tha hna nih ralhrang 20 leng an thah than hna, Sagaing ram kulhTangse chung ah PDF pasal tha hna nih ralhrang pawl cu nizan february 13 in tu tiang bomb I an phomh hna I, ralhrang lei minung 28 leng an thi tiah thei a si, PDF pasal tha hna nih ralhrang pawl cu bomb hmangin an phomh peng hna caah lam le hlei hmanh zulh ngam ti lo in, ti lio in va ral an pet.

Miphun le ram caah nunnak pek ngam in ram tangah hriam a tlaimi nu/pasal tha PDF hna nih bomb hmang in ralhrang an phomh peng hna caah, lam le hlei hmanh zulh ngam lo in, ralhrang pawl ti lio in varal an pet nak cu mah a link hi news/videos/52  hmeh click piak law a video na zoh khawh lai.

Thawng pang dang relchap; CDF Ratnak Ding Lampi Ah Bomb Cu Vawlei Tangah Phum Hratin A Lamh Sual Ruangah Thantlang Ummi (Khah lah zah 269)Battalion-hmu Myo Yin Htun Ke Khat Lei Aa Taan!, Chin ramkulh Thantlang khuapi ah SAC ralhrang ralkap Khah lah zah 269) battalion-hmu Myo Yin Htun cu Febuary 13 ah bomb a lamhsual ruangah a ke khatlei aa taan tiah CHRO sinin theih a si.

Cubantukin bomb puahnak kong he pehtlai in CHRO nih thawngpang fehter kho dingin aa zuam liopi a si i, Yangon Khik Thit nih fehter kho dingin kan i zuam ve. CDF ratnak ding lampi ah bomb cu vawlei tangah a chiah i, amah lila nih a lamhsual tiah CHRO nih a langhter. Battalion hmu bomb nih a puah sual ruangah a kuttang ralhrang ralkap nih Thantlang khuapi chungah a ummi inn cu a vawi (25) mei in an khanghpiak than tiah theih a si.

Thantlang ah umnak sakhan tuahtu SAC ralhrang ralkap nih mipi nih an kaltakmi inn chungah bauh in an lut, thilri an firpiak hna pinah mei an khanghpiak ruangah mipi vengtu CDF he atu le atu an i kap lengmangnak a si. SAC ralhrang ralkap i meikhanghnak ruangah Thantlang khuapi chungah a ummi inn a tam deuh cu mei nih a kaang dih cang.crd-TFT

Be the first to comment

Leave a Reply

Your email address will not be published.


*