KNLA Le Tangti Phu Nih Ralhrang An Tuk I An Camp An Va Lak +Video

March 21 ahkhan Kayin ram Mawkie khua ah ummi ralhrang camp cu KNLA le tangti phu nih an tuk i an camp an va lak.Ralhrang paruk an thi i hriamnam mah vialte an lak chap rih. Tangka tampi ngeih duh ahcun tangka hram a herh ve bang,ralhrang hriamnam lak le chuhnak dingah hriamnam ngeih hmasa hau ve ti usilaw apalh lem lai lo. Crd- Salai William HC. Note: mah a link hi .facebook.com/khitthitnews/videos/ hmeh piak law Mawkie khua ah ummi ralhrang camp cu KNLA le tangti phu nih an tuk i an camp an va lak nak video na ozh khawh lai.

Thawng dang: Mizoram, Lawngtlai District ah Chin NLD MP Pa Thang le midang 4 cu ralhriam he Assam Rifle(India ralkap) nih March 14 ah an tlaih hna, tiah thawng kan theih. Pu Pathang le a hawile kut in Pistol pakhat, Rifle pakhat le kuan pawl lengah (India tangka) sing ₹ 61 aa tel. Pa Thang hi 2015-2020 tiang Matupi peng aiawh in Pyituh Huttaw palai a rak tuan i, 2020 thimnak ah Ramkulh Hluttaw No. 1 hmun ah teinak a hmu mi a si. Crd- the chin post

Thawng dang: Japan Prime Minister Cambodia ram ah nihnih caam ding i a tlawnnak ah Myanmar le Ukraine buainak kong biaruahnak an ngei. Prime Minister pahnih hna biaruahnak cheukhat cu March 20 ah langhter a si i, Myanmar ramkhel kong he pehtlai in, Myanmar ramchung ah tharum thawhnak(violence) donghter ding in nawlnak an tuah.

Cun, hriamthil kong he pehtlai in bawmhchanhnak a petu hna nih ngol ding le, ram daihnak a um khawh nakhnga ṭuanvongeitu hna dihlak nih lungsau tein tawlrel ding in le ramkhel kong ah tlaihkhih a tong mi dihlak hna cu thlah in democracy lamthluan a zawh khawh nakhnga Myanmar SAC cozah sin ah nawlnak an tuah.

Yangon khuasa ramkhel lei bochan mi pakhat nih cun, “Prime Minister 2 nih nawlnak an tuah mi cu a ṭhatuk mi a si nain, a tak in tuah ding mi nawlnak a si lo caah zeihmanh san a tlai lo,” tiah a chim. Prime Minister 2 hna nih hin cun ASEAN tonbiaruahnak ah biachanhnak thil phun 5 an rak ceih cang mi cu tlamtling te i zulh a si khawh nakhnga nawlnak an tuah fawn, tiah theih a si. Cd- the chin post

Be the first to comment

Leave a Reply

Your email address will not be published.


*