KIA Le PDF Nih Ralhrang An Phomh Hna Video He

Khah Ralhrang pawl cu, KIA phu komh pasaltha hna  nih an kah hna i 2 an thi, an hriam nam tha tha meithal zuun 10 le thilri an lak piak hna pin ah, a nung in an tlaih rih hna, a video zoh duh mi caah mah a link hi 8/videos/pcb.38 hmeh click piak law pasal tha hna nih ralhrang pawl an tlaih hna nak a video na zoh khawh lai.

Thawng peh; Kachin ramkulh, Panwa in a rak tum mi NDA-K Pyituhsit pawl cu KIA phu komh nih an kah hna i 2 an thi, meithal zuun 10 le thilri an lak, Kachin ramkulh, Panwa in a rak tum mi Council ralhraang kuttang NDA-K Pyituhsit phu hna cu April 12 ah KIA le tangti phukomh nih an kah hna i NDA-K Pyituhsit in 2 an thi, 4 a nung in an tlaih hna pin ah hriamnam zong an lak tiah Kachin thawnghram in kan theih.

KIA le PDF tangti phu komh nih NDA-K Pyituhsit cit mi motor pawl cu an khanghpiak hna i meithal zun 10, zenthong bawm pawl, bomb thei hna le raltuknak i hmanmi thilri cheukhat an lak tiah Kachin thawnghram nih a chim. Kachin thawnghram nih a tarlangh mi video ah cun KIA le PDF hna nih pyituhsit cheukhat an tlaih hna i an kalpi hna kan hmuh hna.

Pali an nung in an tlaih hna tiah theih a si. U Za Khing Tingh Ying hruai mi NDA-K phu hi KIA sin in 1989 kum ah a chuak mi phu an si i 2009 kum November thla ah Council ralhraang kuttang Pyituhsit ah aa thleng mi phu an si.crd-the hakha post.

Ca dang= Chin National Organization(CNO) kumkhat tlinnak cathanh, Nihin , April 13 cu Chin National Organization kan dirhnak kumkhat tlin camtuak a si. CNO cu Chin miphun ca ah rian a ṭuan mi, Ramkhel bu a si i Chin miphun rungvengtu ralkap, Chin National Defense Force(CNDF) cu CNO nawlpeknak tangah Chin mizapi a runven hna i hramhram uknak doh dingah rak dirh mi bu a si.

CNO cu Chin ram le Chin miphun ca lawng si loin, rampi huap in Federal Democracy ngahnak dingah ral a tu i hramhram uknak doh dingah NUG le CRPH he i fonh in rian a ṭuan mi bu zong a si. Ramkomh kawl ram tlangcung mi hriamtlai phu komh, EAOs he zong in rian kan ṭuan lai i Chin ram chung hriamtlai he rian a ṭuanṭi mi bu zong a si fawn.

CNO kan rak dirh ni thok in ram le miphun ca ah nunnak a pe mi Chin pasal ṭha hna le kut, ke le mit tiang a pe mi pasal ṭha hna zong upatnak kan pek hna. CNO le CNDF kum khat tlin, 2022 April 13 tiangah a lamkip in a kan bawmtu nan dihlak cungah kan i lawm tuk i, hramhram uknak a hram in kan bawngh khawh tiang hmainor chin in kan doh peng lai tiah hi cathanh hi kan chuah. crd-the chin post.

Be the first to comment

Leave a Reply

Your email address will not be published.


*