Khah!,,, Theih Nuam Si Hih, Ralhrang 61 Bak An Thah Hna +Video

Walay kahdohnak ah council ralhraang 61 an thi, hriamnam le a dang thilri tampi an lak, hmunhma thianhnak pehzul in an tuah. Karen ramkulh, Myawaddy peng Walay kahdohnak ah council ralhraang 61 an thi i hriamnam le a dang thilri tampi kan lak. Hmunhma thianhnak pehzul in kan tuah tiah Cobra phu nih an thanh.

Nizaan kahdohnak hmunhma cu nihin ah thianhhlimhnak an tuah i Council ralhraang 61 an thi tiah an fehter. Cun hriamnam le thilri dang tampi an tang rih. Pehzul in hmunhma thianhnak kan tuah rih lai tiah thawng an thanh. Kahdohnak ah ralhraang lei a thi mi le hmapu an tam i helicopter pahnih in an rak kah bawmh hna ca ah meithal zuun thum le zenkuan tlawmpal lawng an lak khawh tiah thawnghram nih a chim.

Nizaan kha helicopter in voi hnih an rak kan kah. Anmah lei hnukirnak ding ah kah a rak bawmh hna. Cucaah hriamnam pawl kan la kho tuk lo. MAS sniper pakhat, MA2 pahnih cu lo cu RPG kuan, 60MM kuan le meithal kuan cu 10000 leng kan lak” tiah KNLA phukomh thawnghram nih Yangon Khit Thit Media ah a chim.

Nizaan March 27 zing ah Myawddy hpaloe in Walay lei ah ralhraang 400 tluk in hmai a nawr mi council ralhraang hna cu KNLA phukomh nih bomb an puah hna, an kah hna caah 30 nak tlawm lo an thih hi a si. Crd- the hakha post. Note: Mah a link hi khitthitnews/videos/ hmeh piak law video na ozh khawh lai.

Thawng dang: Rihkhuadar Ah Telenor Tung A Puah Caah Phone Line A Tlau. Lawngtlai, 28 Vaute 2022 : Chin ramkulh, Falam peng Rihkhuadar ah a luancia zarhhnih ah Telenor tung a puah caah Telenor phone line a tlau dih tiah Chin World nih a Θ›ial. Khuami pakhat nih ” a luancia zarhhnih 17 Vaute ah Telenor tung a puah caah Telenor line a tlau dih ” tiah a chim.

Falam peng Rihkhuadar ah a ummi Chin – Mizoram ramri pehtlaihnak hlei pawng CNDF ralkap riahbuk cu ralhrang nih an kah hna caah kahdohnak a rak chuak. Hi kahdohnak ah ralhrang nih CNDF ralkap 2 an tlaih hna i, Chin – Mizoram ramri CNDF thantar thlai mi zong ralhrang nih an thlak i, Myanmar thantar an thlai tiah theih a si. Cdr- the lairam times

Be the first to comment

Leave a Reply

Your email address will not be published.


*