Khah!, Ralhrang 80 Leng An Thi Tiah CNF Nih Cathanh Chuah Cg Hih

Falam le Hakha kar kahdohnak ah ralhrang 80 leng an thi tiah CNF nih cathanh chuah, CNF/CNA cawlcanghnak hmun Nohawng 27 In Vaute 7 tiang Chin National Army, Chinland Defense Force le ralhrang kar ah kahdohnak voi 18 a chuak, hi kahdohnak ah ralhrang lei in 80 leng an thi i, Chin miphun ralkap lei in minung 4 nih miphun le ram caah an nunnak an pek.

Kahdohnak a chuahnak hmun cu Chinkulh Falam in Hakha ah thilri chanh dingin a kai mi ralhrang motor 27, Tank 2, minung in 200 hrawng , an motor 15 kah an si i ralhrang 80 leng an thi, CNA in minung pathum le CNDF in minung pakhat an dihlak minung pali an nunnak liam, hi kahdohnak ahhin Chin National Army (CNA) Chin National Defense Force ( CNDF), Chinland Defense Force – Hakha ( CDF-Hakha) an i fonh.

Chin ramkulh Falam peng no.(2) India-Myanmar pehtlaihnak lam ah a cawlcangmi ralhrang hna le Chin National Army ( CNA) , Chin National Defense Force ( CNDF), People Defense Force – Zoland ( PDF-Zoland ) Civic Defense Militia ( CDM -Siyin) CDF-Hualngo fonh nih an kah hna i ralhrang 8 an thi tiah Chin National Front General Headquarter nih cathanh an thanh.crd-the lairam times.

Thawng dang a hlun euh cg mi relchap; March (2) Cu Lothlo Ni upat peknak in “tlang lo tuanmi le lothlomi lungrual hna u sih” tiin tialmi ca i ken in, SAC ralhrang ralkap duhlonak langhternak tuahtu Let Pan Taung hmunhna mipi hna nih lam an zawh. Nihin ni tiangah SAC ralhrang ralkap kuttang in chuahzalennak a hmuh rih lomi lothlomi an tam tuk rih.

Kum tampi chung hremnak le nehsawhnak a tongtu lothlomi hna dirhmun cu: lei chuh an tong, vawlei hmunhma chuh an tong pinah tutan boruak lebang ahcun leikuang chungum facang tiangin mei khanghpiak kan tong i, inn lo tiangin meikhanghpiak kan tong. Lothlotu hna telh in hlawhfa riantuantu hna le fisakmi hna zong nih an tonmi harsatnak hi a zual chinchin. Cu vialte cu SAC ralhrang ralkap ruangah a si.

SAC ralhrang ralkap telh in uknak thalo zong hi a hram in phonh dih, hrawh dih dingah lothlomi hna nih siseh sunghzatlaknak a tongtu vialte hna zong nih tutan dohthlennak ah thazaang chuahtu mipi an si ve. Cucaah hremnak le nehsawhnak dirhmun in chuahzalennak kan hmuh khawhnak ding lampi pakhat cu SAC ralhrang ralkap uknak hi a hrampi in phongh dih/hrawh dih lawng a si. crd-the federal times.

Be the first to comment

Leave a Reply

Your email address will not be published.


*