Khah!,, PDF Nih Lampi Bak Ah An Kah Thah Hna + Video

Shwebo peng, Taohn khuate khuabawi le a hawi meithal kah an tonnak video tawi a chuak.  Black Wolf PDF nih kan kahthah mi a si tiah an thanh. Video link lak nak the hakha post, note an kah lio a video zoh duh mi caah mah a link hi t/videos/75 hmeh cliak piak law miphunle ram caah nunak pek in ram tangah hriam a tlai mi pasal tha hna nih khuabawi pa le a hawi meihal in an kah thah lio hna nak cu a viao tawi in na zoh khawh lai.

Thawng peh rel chap; Thah a tong mi Council ralhraang riankhinh mi Tantaung khuabawi ruak a chartu ralhraang bomb puah an tong, 5 nih hliam an tuar Karen ramkulh, Tantaung peng ah, nihin zing ah an thah mi No.3 sang khuabawi U Se Hmyo Ye ruak a rak chartu ralhraang hna cu bomb puah an tong i 5 hma an pu tiah kan theih.

Nihin zing suimilaam 8:20 ah bomb an puah hna hi a si. Ralhraang pawl nih U Se Hmyo Ye ruak an rak char. Panga hliam an tuar i Pahnih cu an hliamhma a faak ngai. Khuabawi pa ruak cu khualai i Shwe Pa Tih Hall pawng ah an chiah. Bomb cu cuka pawng ahcun a puak. An kahthahnak zong cuka pawng ahcun a si” tiah Tantaung thawnghram nih Yangon Khit Thit Media ah fehter in a chim.

Bomb puahtu phu hi mi zei an si an hngal kho rih lo. Tantaung khua No.3 khuabawi pa hi ralhraang dalaan thawngpetu a si i nihin zing suimilaam 5:40 ah rammi vengtu PDF Tantaung nih an fimhlawm mi a si tiah kan theih.

Council ralhraang riankhinh mi sang khuabawi pa hi ralhraang pawl lam hmuhsak le Tantaung khua mizapi vengtu hna kha thihphaih, ralhraang pawl hi an herh mi poh tuahpiak in dalaan a tuan ca ah kan fimhlawmnak a si tiah Tantuang PDF nih thawng an thanh. Crd-THP.

Be the first to comment

Leave a Reply

Your email address will not be published.


*