Khah!, Mindat Ah A Phanmi Ralhrang Motor Rual Cu

Mindat Ah A Phanmi Ralhrang Motor Rual Cu A Thaizing Ah Kyaukhtu Leiah An Kir Than! Chin ramkulh Matupi khuapi in January 24 ah khan kuanfang a kham khomi motor pahnih telh in SAC ralhrang ralkap motor rual cu Febuary ( ah khan Mindat khuapi chungah an lut nain Febuary (10) zinglei ahcun Maggui ramthen Kyaukhtu leikap ah an kal than cang tiah thawng theih a si.

Matupi-Mindat karlak ah CDF-Mindat le CDF-Matupi phu i kahdohnak an ton ruangah lampi ah ni (16) chung bak an rauh pinah tampi an thi fawn. SAC ralhrang ralkap rual cu January thla thar hrawngah khan Maggui ramthen Pakukku khuapi chungin eidin le hriamnam tampi i phorh hratin in Mindat-Matupi leiah a kal i, a rak kir than cang hi a si.crd-the federal times.

Thawng pang dang relchap; Ukraine buainak in vawlei ralpi a chuak kho men tiah American President Joe Biden nih a chim, Russia le Ukraine ramțhen ah a ummi Russia ralkap le American ralkap karlak ah buaibai nak nganpi a chuak kho tiah American President Joe Biden nih ralrinnak a pek hna, American rammi hna Ukraine ram i a ummi an um cun rianrang deuh chuak ding in a fial hna.

Vawleicung ah a țhawngbik mi ralkap bu hna lak ah pakhat a si mi Russia ralkap bu he zuamcawhnak a si lawng hmanh si lo in a ruang dangdang ruang ah a fak deuh mi buaibainak a chuah khawh caah Ukraine i a um mi American rammi hna cu a tubakin Ukraine ram, chuah tak ding a si tiah American President Joe Biden nih NBC zatlang bu he ton biaruahnak ah a chim.

Russia nih Ukraine kha a doh sual hmanh ah Ukraine ram i a ummi American rammi hna chanhchuahnak ding ah ralkap zong ka thlah hna la loh tiah President Biden nih a chim. American ralkap le Russia ralkap karlak kah dohnak a chuah sual hmanh ah American le Russia, rambhnih karlak i kahdohnak lawng si loin vawleipi he aa pehtlaimi vawlei ralpi pakhat a si tiah a chim chap. 21TCT.

Be the first to comment

Leave a Reply

Your email address will not be published.


*