Khah!, Hakha Ah A Tla Mi Ralhraang Helicopter Hmanthlak

Hakha ah a tla mi Ralhraang Helicopter hmanthlak, Nihin zinglei Hakha ah a tla mi Ralhrang Council helicopter hmanthlak pawl cu ralhraang hnuzul thawngzamhnak pawl nih an taar. Hi helicopter tlaknak ah Ralhraang pahnih le,

Fimcawnnak Zung riantuan pathum hma an pu. A thi mi an um lo tiah theih a si. Hi helicopter hi taang hra caminpui tuah nakding ca pawl a rak phor mi a si tiah Ralhraang Council nih an langhter.crd-the hakha post.

Thawng dang relchap; KCA Dirhnak Kum Khat Tlinnak Ni Ah Kalay Khuapi Chungum Sakhan Pakhat Cu Luhhnawh In An Kah! PDF Kalay phu a dirh/chuah khawh nakhnga a hram thawknak simi Kalay Civil Army (KCA) cu Tahan ah sakhan an rak tuahnak niin kum khat tlinnak ni, nihin March 29 ni ah Kalaymyo,

Tahan sang, Bogyoke lampi le Wai Sa Lyi sizung pawng i lamkam ah a ummi Min Aung Hlaing kuttang ralhrang ralkap sakhan cu PDF Kalay nih zinglei sml 6:00 hrawngah luhhnawh in an kah caah ralhrang ralkap (2) an khenh hna hnuah PDF Kalay leikap ah hliammi umloin an i zukphiak kho.

Kalay peng chungum dohthlenhnak chungah nunnak a liamtu pasaltha hna i thisen man cu PDF Kalay nih loh theih loin phuba kan laak lai tiah PDF Kalay nih kan in theihter hna tiah cathanh an chuah.crd-the federal times.

Be the first to comment

Leave a Reply

Your email address will not be published.


*