Kawkareih Kahdohnak Ah Sac Ralkap 15 An Thi

KNU brigade 6 hmunhma Kawkareih  peng, chaklei Myohawng khuapawng Migathein Bayakungah Nihin March 31 zing ah SAC ralkap le KNLA phufonh kahdohnak a chuak i SAC ralkap 15 an thi tiah Yangon Khit Thit Media nih a langhter. Migathein Bayakung ah SAC ralkap le KNLA battalion- 18, Kyaphyu tat-khuai  1 phufonh kar nihin zinglei suimilam 5:20 ah kahdohnak a chuak tiah Gyaphyu tat-khuai  1 nih cathanh an chuah nain Kahdohnak ah SAC ralkap lei a thimi cazin tu cu KNLA phufonh nih phungning tein cathanh an langhter lo. Crd- the chin post

Thawng dang: Daw Aung San Su Kyi telh in Ramkhel lei thongtla dihlak thlah țhan dingah White House(inn rang pi) nih Daw Aung San Suu Kyi Le Ramkhel Ruangah Thongtlatu Vialte Cu Thlah Dingin American President Le Singapore Prime Minister Nih Forh! Kawlram chungah a chuakmi buainak kong he pehtlaiin thinphan awk taktak a si i, hi buainak ruangah ramchung remdaihnak a hnursuan ngaingai tiah American le Singapore nih i fonhin cathanh an chuah.

American President le Singapore Prime Minister hna cu March 29 ah khan Washington ah tonbiaruahnak an ngeih hnuin Kawlram kongah a cunglei bantukin cathanh an chuah hi a si. Kawlram chungah mipi sawhsawh cungah hremnak le thahnawnnak a umti nakhnga lo siseh, U Win Myint le Daw Aung San Suu Kyi telh in ramkhel ruangah thongtlami vialte cu thlah dingin siseh minung le minung i zawnruahnak in bawmhchannak pek khawhnak nawl sian/pe dingin siseh democracy lampi zul than dingin an forh tiah theih a si.

Kawlram mipi caah daiziar tein tawlrel dingin Sngapore le Asia ramchung hna i cawlcanghnak le zuamnak cu cohlan in kan lawmhpi tuk i, Kawlram nawlngeihnak latu hna nih Asia ramchung i ngeihmi zulhphung (5) hna cu cohlan in zul dingin cathanh an chuahmi ahcun an langhter. Cupinah Kawlram chungah ramkhel boruak aa hel/thlenh hnuin sipuazi a tum chuk ning le harsatnak an tonmi kongah thinphan taktak a si tiah cathanh an chuah hi a si. Crd- the federal times.

Be the first to comment

Leave a Reply

Your email address will not be published.


*