Hniarlawn Thar Inn 2 A Kaang + Video

SAC Ralkap Hriamngan Kahnak In Hniarlawn Thar Inn 2 A Kaang! Nihin February 6, zinglei suimilam 10:50 hrawng ah Chin ramkulh, Hakha khuachung um SAC ralkap hna nih hriamngan in Hakha peng Hniarlawn thar an kah i, inn 2 a kaang, tiah theih a si. Cu inn a kaang mi chung ah cun Baptist pastor umnak inn aa tel tiah theih a si.

Hakha peng Hniarlawn thar khua ah hin khua mi an umlonak caan zong a sau ngai cang, tiah theih a si.crd-the chin post. Note- SAC ralhrang kah mi hriamnam ngan in Hniarlawnthar ah inn pakhat a kaang tiah thawng kan theih. Tiin the hakha post nih a video he a tar lang mi video hi rak zoh ve, mah a link hi t/videos/1 hmeh click piak law a video na zoh khawh lai.

Thawng dang relchap; The Chinland Post | 2022 March 6 – Kalay in Hakha lei ah a kalmi ralhrang mawtaw thluan cu March 6 zaanlei sml 5:30pm hrawng ah Hakha khua chung an rak lut cang tiah thawng theih a si. Khuami pakhat nih “Mawtaw thluan cu a sau bak. Pa zeizah an si bal kan rel ngam lo. Zaanlei mui lai ah khan an rak phan” tiah The Chinland Post ah a chim.

Ralhrang mawtaw thluan hi Falam le Hakha kar ah CNA, CDF le CNDF hna bawm in zarhkhat chung an kah hna caah a tlawmbik 60 cu an thi lai tiah thawng theih a si.crd- The Chinland Post, Thawng dang relcgap; NUG Ministers pawl telh in minung 11 cu rammi sinak in dinhter an si tiah SAC nih a thanh

The Chinland Post | 2022 March 5 – Dr. Zaw Wai Soe, U Ye Mon, Ko Min Ko Naing, Dr. Sasa hna telh in minung 11 cu rammi sinak in dinhter an si tiah SAC nih March 4 ah a thanh. Rammi sinak in dinhter a tongmi NUG ah Minister of International Cooperation a ṭuan liomi Dr. Sasa SAC nih a thanhmi hi phung lut lo a si tiah a leh.

Myanmar rampi a hrawkmi hi mi tlawmte ralbawi pawl an si timi cu mipi theih a si, Vawlei pi theih a si, an nawl chuahmi zeihmanh kan relpiak hna lo, phung lut zong a si lo. Myanmar rammi kan sinak cu kan i chuahpi mi a si. An mah nih biakhiahnak nawl an ngei lo. Chin miphun kan si timi cu Min Aung Hlaing nih bia a khiahding si lo, biakhiahnak nawl zong a ngei lo” tiah Dr.Sasa nih a chim.

Rammi sinak in dinhter a simi hna cu : NUG cozah i Minister of Health and Education Dr. Zaw Wai Soe, Minister of Defense U Ye Mon, 88 siahngakchia hruaitu Ko Min Ko Naing, Minister of Home Affairs and Social Affairs U Lwin Ko Latt, Minister of Human Rights U Aung Myo Min, Minister of International Cooperation Dr. Sasa, Deputy Minister of Women, Youth and Children Daw Ei Thuzar Maung,

Minister of Communications, Information and Technology U Htin Lin Aung, Minister of Foreign Affairs Daw Zin Mar Aung, ramkhel lei a cawlcangtu Pann Ei Sal Lo le U Myo Yan Naung Thein hna an si. Myanmar ram upadi kha buar in ramdang ah phungning loin a kalmi an si tiah SAC cathanhnak ah aa tel chih. Cun, Myanmar ram miaknak a hrawktu an si tiah 1982 Kawlram mi updi ningin rammi sinak in dinhter an si tiah SAC nih a thanh.crd- The Chinland Post.

Be the first to comment

Leave a Reply

Your email address will not be published.


*