Hakha In Yangon Ah A Kalmi Motor Cungah Mino (5) Cu Tlaih An Tong!

Chin ramkulh Hakha khuapi in Yangon ah a kal dingmi motor cungah a thumi hna tlaihmi phone cu nawlngeihnak latu SAC ralhrang ralkap nih Hakha khuapi luhchuahnak gate ah Febuary (16) ah khan checking an tuah hna tikah mino (5) hna cu lunghrin in an tlaih tiah theih a si. Tlaih a tongmi mino hna cu nu pakhat telh in mipa (4) an si hna i, kum 17 in kum 20 karlak mino an si.

Hakha khuapi gate luhchuahnak ah khualtlangmi hna i tlaihmi phone le hmanpungtin cu checking an tuah tikah khualtlangmi pakhat phone ah lunghrinmi hmuh a si tiah amah he aa pehtlaimi mino dang (4) zong tlaih in an kalpi. Mino dihlak cu Hakha palek sakhan ah an rak phan rih hna lo caah ralkap sakhan ah an hrenh rih hna rua tiah an ruah.crd- the federal times

Thawng dang: Bube kahdohnak ah SAC ralhrang ralkap tamtuk an thih pinah tank pakhat a rawk dih tiah anmahlei mipi vengtu phu chungtel pakhat simi Demosu-PDF nih cathanh an chuah. Shan le Kaya ramri Phe Khung peng chung Mube le Wa Yi Su Pa Laing khua karlak ah tank pahnih telh in thazaang tam taktakin kahdohnak tuahtu SAC ralhrang ralkap hna cu DMO-PDF, PK-PDF, MB-PDF, LK-PDF, KNDF, KGZ, KA telh in muchuahlei sangah a ummi phu fonhmi he an i kap.

Kahdohnak ahcun SAC ralhrang ralkap an sungh tuk ruangah zanlei sangah raltuknak vanlawng pahnih bakin vawi nak tam bomb an kan puah hnawh tiah cathanh an chuahmi ahcun an langhter. Cu kahdohnak ahcun mipi ralkap fonhmi phu leikap zongah nunnak a liammi an um i, kahdohnak caan chungah,

SAC ralhrang ralkap kahmi hriamngan puah nakin Wa Yi Su Pa Laing khuami inn cheukhat cu mei nih a kang pinah khuami minung (6) nak tlawm lo nih hliam an tuar tiah DMO-PDF nih an langhter. Nihnih chung kahdohnak ruangah pawngkam khuami mipi a thong in himnak hmunah an zaam tiah an langhter chih. Crd- the federal times

Be the first to comment

Leave a Reply

Your email address will not be published.


*