Good News: AA, KNU Le PDF Hna I Fonh In Ralhrang Sakhan An Lak

Kayin ramkulh, phulukyi kahdohnak ah ralhrang sakhan le hriamnak an lak. Kayin ramkulh, Myawaddy peng Phalukyi khua pawng ah ralhrang hriamngan chiahnak sakhan cu an lak, hi ahhin mipi ralkap in Arakan ralkap (ANC/AA) thawngzamhnak in theih a si. Ralhrang le BGF hna cu ANC/AA, KNU/KNLA le PDF hna i fonh in February 16 ah an lak tiah theih a si.

ANC/AA cu Phapon pengmomh Brigade 5 hmunhma ah an um i KNU he i bawm in kahdohnak an tuah, ANC/AA hlei ah NCA minthu ni ALP/ALA le Arakan Army ULA/AA ti mi Arakan ralkap zong an si. Crd- 21 TCT

Thawng dang: Thailand Ram Nih Kawlram Riantuantu Hna Kawlram Ah A Kuat Thanmi Minung 100 Leng Nih Covid Zawtnak Ngei! Thailand-Kawlram ramri Mesout in Febuary 5 ah Kawlram riantuantu hna cu Kawlram chungah a kuat thanmi minung 100 lengkai hna cu Myiah Wa Tyi Quarantine centre ah covid zawtnak an check tikah covid hrik ngeitu hmuh an si tiah Myiah Wa Tyi pengkomh covid-19 phihkhamnak centre nih cathanh an chuah.

Febuary 5 ah ningcang loin Kawlram riantuantu minung 199 hna cu Kawlram chungah an kuat than hna i, Myiah Wa Tyi pengkomh covid-19 phihkhamnak centre ah covid-19 zawtnak an ngeih le ngeih lo checking an tuah tikah Kawlram riantuantu minung 100 lengkai sinah zawtnak hmuh a si timi thawngpang cu Mesout ah a ummi Kawlram minung zohkhentu phu committee chairman U Moe Gyu nih a chim.

Naihrawngah Thailand cozah nih a kuat thanmi Kawlram raintuantu hna cu Myiah Wa Tyi pengkomh hruaitu ngamdamnak tuanvo ngeitu hna nih an check tikah covid zawtnak ngeitu 100 lengkai an um tiah Myaih Wa Tyi hruaitu phu nih cathanh an chuahmi hmuh a si tiah U Moe Gyu nih a chim. Kawlram chungah a kirmi hna cu Myiah Wa Tyi ramri ah covid checknak centre (4) ah Quarantine ni (10) chung an chiah hnuah cehcking an tuah tikah an hmuh hi a si.

Thailand ram chungah ningcang loin a luttu tiantuantu hna cu aruang tampi ruangah tlaih an tong i, Thailand cozah nih zarh khat ah ni (3) cu Kawlram chungah an kuat than. Vawi khat ah minung 200, zarh khat ah minung 600 tluk an kuat tiah theih a si. Crd- The federal times

Be the first to comment

Leave a Reply

Your email address will not be published.


*