Facang Tun Khat Le Chiti Pungkhat An Rak Chiah Mi Chung In Bomb A Puak Caah

Thaton GAD zung ah Penguk bawi ca ah tiin Facang tun khat le chiti pungkhat an rak chiah mi chung in bomb a puak i palek pahnih hliamhma faak an tuar, zung zong a cim, Mon ramkulh, Thaton pengkomh GAD Zung ah Peng uk bawi ca ah Facang tun khat le chiti pung khat an rak chiah;

Cu laksawng an chiah mi chung in bomb a puak i palek pahnih hliamhma faak an tuar, zung zong a cim tiah kan theih. Thaton, Leikinn sang chung um Zung Komh Zung cu April 9, zaanlei suimilaam 1:30 ah bomb a puah ca ah palek pahnih hliamhma faak an tuar i zung zong a cimhnak hi a si tiah kan theih.

Thaton pengkomh GAD Zung bomb puahnak ah palek pahnih hliamhma faak an tuar. Thil sining cu minung pakhat nih facang tun khat le chiti pungkhat a rak put i Peng uk bawi laksawng ka pek mi a si. Amah nih hika hin chia a ka ti ca ah ka rak chiah a ti i a kal. Peng uk bawi laksawng pek mi a si ca ah a hohmanh nih an thloh ngam lo ” tiah Thaton peng palek thawnghram nih a chim.crd-THP

Thawng peh rel chap; Thah a tong mi Council ralhraang riankhinh mi Tantaung khuabawi ruak a chartu ralhraang bomb puah an tong, 5 nih hliam an tuar Karen ramkulh, Tantaung peng ah, nihin zing ah an thah mi No.3 sang khuabawi U Se Hmyo Ye ruak a rak chartu ralhraang hna cu bomb puah an tong i 5 hma an pu tiah kan theih.

Nihin zing suimilaam 8:20 ah bomb an puah hna hi a si. Ralhraang pawl nih U Se Hmyo Ye ruak an rak char. Panga hliam an tuar i Pahnih cu an hliamhma a faak ngai. Khuabawi pa ruak cu khualai i Shwe Pa Tih Hall pawng ah an chiah. Bomb cu cuka pawng ahcun a puak. An kahthahnak zong cuka pawng ahcun a si” tiah Tantaung thawnghram nih Yangon Khit Thit Media ah fehter in a chim.

Bomb puahtu phu hi mi zei an si an hngal kho rih lo. Tantaung khua No.3 khuabawi pa hi ralhraang dalaan thawngpetu a si i nihin zing suimilaam 5:40 ah rammi vengtu PDF Tantaung nih an fimhlawm mi a si tiah kan theih.

Council ralhraang riankhinh mi sang khuabawi pa hi ralhraang pawl lam hmuhsak le Tantaung khua mizapi vengtu hna kha thihphaih, ralhraang pawl hi an herh mi poh tuahpiak in dalaan a tuan ca ah kan fimhlawmnak a si tiah Tantuang PDF nih thawng an thanh. Crd-THP.

Ca dang relchap; Hpruso ah Council ralhraang le Karenni tangti phukomh kar kahdohnak a chuak i ralhraang lei 6 an thi, Khualtlawng mi ralhraang nih an tlaih hna, Karenni ramkulh, Hpruso peng, Kadala khua pawng ah Coumcil ralhraang le Karenni phukomh kar April 3 le 4 ah kahdohnak a chuak i ralhraang 6 an thi tiah KNDF battalion-15 nih an thanh.

Council ralhraang pawl nih April 5 ah Ngwetaung khuathar khuami inn hna cu an bauh i thilri an fir pin ah an khangh tiah ka theih. Cycle in khual a tlawng mi tualchung mi cheukhat cu a ruang um lo in an tlaih hna ca ah an nunnak ca ah thinphang a si tiah KNDF battalion-15 nih an chim.

Council ralhraang hna nih thazaang tampi he Demoso in Hpruso lei ah hmainawr in kahdohnak an tuah i KA, KNDF le PDF phukomh nih dironh in kahdohnak an tuah hi a si.

Be the first to comment

Leave a Reply

Your email address will not be published.


*