Dohthlennak Ah A Kut 2 A Pemi CDF Ralkap A Dawtmi He Thitumhnak Tuah

Lawngtlai, 2 Biangreithlep 2022 : Chinland Defense Force Zotung (CDF-Zotung) ralkap Salai Zaw Dun le a dawtmi Mai Ting Mesi hna cu 2 Biangreithlep ah thitumhnak an tuah. Nupi țhi tlangvaal le monu hna cu chungkhar hna le CDF-Zotung tuanvo ngei upa hna hmai ah Khrihfa phunglam ningin Pastor pa nih kutsihnak a tuah piak hna.

Ralkap Salai Zaw Dun cu Sikpar 2021 thla ah bomb hneksaknak an tuah lio ah bomb nih a puah sual caah a kut 2 ningin a bul mi a si. A dawtmi zong nih vaaldang tangpom tak hin lo in chanchung dawtu ding le har caan ah har ti, lawmh caan ah lawmh ti nun i hrawm dingin thitumhnak an tuah.crd-the lairam times.

Thawng dang relchap; Sagaing ramṭhen, Myinkin peng ah Khah-Lah-Yiah 87 in SAC ralkap 150 hrawng le mizapi vengtu ralkap kahdohnak cu April 25 in 28 tiang a chuak i, SAC ralkap le Pyo Saw Htee tam ngai an thih caah SAC ralkap 30 hrawng lawng an taang i hnu an tolh, tiah MDF Special Force sin in theih a si. Cu SAC ralkap hna cu Kalay peng um Battalion an si i rallam an ser pah ah Paan Set le Tuang Phyo khua hna ah Phyo Saw Htee hna cu an i sawm pah i an zapi 190 hrawng an si, tiah theih a si.

Hika lei ah helicopter in an chiah mi SAC ralkap hna cu an thi dih. Khuapi chung um mi hna nih le an rat khawh lo caah Kalay khuapi um SAC ralkap hna cu an rak thlah hna. April 25 ah Than Pauh khua in kahdohnak aa thok i Chindwin tiva ral um Paan Set le Taung Phyo i phyo Saw Htee hna cu bawmtu ding ah an auh hna. Kahdohnak cu suimilam cheu chung a rau i, Bomb an i lamh pah caah SAC ralkap lei in ke kiak le kut kiak zong an um.

SAC ralkap hna cu aukhuan pah in tiva ral ah an zaam ṭhan hna i, a thi mi zong an tam caah Luang Pyih khua lei ah hnu an tolh i Than Pauh khua cu mei in an khangh,” tiah Myanmar Defense Force Comando Battalion in chimphuannak nawlngeitu nih Yangon khit thit ah a chim. Cu SAC ralkap hna cu MDF – Special Force, DRPA, Sagaing PDF Battalion 3, Swe Bo pengkomh Battalion 9, KPDF 1, Pah – Kah – Phah le Ṭangrual phu hna i bawm in an kahdoh hna.

Yin Kalay khua pawng zong ah April 26 zinglei ah khan mizapi vengtu ralkap phuruk fonh nih SAC ralkap cu bomb an puahhnawh hna i, SAC ralkap 21 an thih lengah tamlakte hliam an tuar, tiah DRPA nih cathanh a chuah. SAC ralkap hna nih cun Yin Kalay khua cu mei in an khangh i, thilri an hrawhhral mi zong a tam, tiah theih a si.

Thawng pang dang relchap duh mi caah rel chap ding kan in peh piak chih hna; Tanintharry ramtthen Lawnglung peng Tawgyapin khuami 2 cu bomb puahkeh a chuahnak hmun pakhat ah nan i tel tiin an puh hna caah thih hlanlo thong thlakding in biakhiahnak an tuahpiak hna tiah theih a si. Hi Khuami pahnih hna cu U Saw Shwe(kum-50) le Ko Soe Min(kum-35) an si i, April 26 ah Dawei biaceihzung nih biakhiahnak an tuahpiak tiah Dawei thongtla tawlreltu phu nih an thanh.

2021, September thla ah Lawnglung peng Tawgyapin khuabawi inn puahkehnak a chuakmi kongah nan i tel tiin an puh hna caah tlaihkhih an tong i, poh-mah 3, le poh-mah 54 in tazacuai an rak tong. SAC ralkap nih nawlngeihnak an lak hnu Dawei thonginn in thongtla biakhiahnak tuahpiak mi hna chung in tutan thihhlanlo thongtla ding biakhiahnak cu a fakbik le a sangbikmi biakhiahnak a si.

March thla chungah Dawei pengchung ummi Ko Hein Min Ko Ko(kum-20) cu poh-mah 505(a) caah kum 2 thong, poh-mah 3 caah kum 2 thong, poh-mah 3/6 caah kum 12 le poh-mah 3/5 caah kum 12 tiin a dihlak kum 28 thongtla ding in biakhiahnak an tuahpiak tiah theih a si.crd-the chin post.

Be the first to comment

Leave a Reply

Your email address will not be published.


*