CMCO ah Zulhphung Tling

CMCO ah Zulhphung Tling

pakhatnak ah: Khua dang le sang dang luhchuahnak nawl cu kham a si ko nain thil poipang simi dam lonak le thih lohnak hna ton ahcun palik nawlpeeknak ca he luhchuah onh an si ko lai. pahnihnak: Khua dang le sang dang ah rianttuan mi hna nih lam block i ton sual ahcun boss te nih nawlpeeknak ca le rianttuantu sinak card piah khawh hnu lawngah luhchuahnak nawl peek a si lai.

Pathumnak: Cozah rianttuan Datuk Seri Ismail Sabri Yakoob nih cun tutan phihkharnak tuahmi ahhin cun boss te hna nih rianttuantu hna hi inn in an ttuanter hna naklai cozah lei nih kan i ruahchan ko tiah a chim. Palinak: Khua dang khual a tlawng ii Selangor le Kuala Lumpur chung tan a duhmi hna nih an i thawh hlan ah palik nawlpeeknak ca an ngeih hmasa a hau lai.

Panganak: Cu bantuk tthiam in KLIA, KLIA2 le Subang Airport in khualtlawn ai tiimmi hna nih palik sinah nawlpeeknak ca an ngeih hmasa a hau fawn lai. Pasarihnak: Inchungkhar duhherh thil cawk a duhmi cu minung pahnih lawng onh a si lai. Zawtnak chawnh a fawi deuhmi ngakchia deuh tete hna cu leeng chuah lo le mi tam deuh umnak hmun ah chuak lo deuh in um dingin forhfial a si.

Pariat:Lente celhnak phun hna, nuamhnak, nunphung he ai pehtlaimi calcanghnak, zuu dawr le nightclub, ngakchia nuamhnak hmun, innchung lente celhnak le baisakup zohnak pawl hna khar dih an si lai. Pakua: Midang he tonghthamnak ai tel lomi lente celhnak phun le minung 10 nak tlawm deuh celh dingmi cu a ngah ko lai.

Pahranak: Asi nain, tiilio lei le zuamnak pawl hna tuah a ngah lai lo. Hleikhat: Mipi i pumhnak a simi tthitumhnak, i hamnak puai tuah, chuahni lawmhnak puai tuah, i ton pumhnak, meeting (ton biaruahnak), ceihhmai ton biaruahnak, training tuah le adang mi tam deuh umnak paoh cu tuah a ngah lai lo.

Hleihnihnak: Fim cawnnak a simi sianginn le nau umhnak hmun pawl zong khar dih a si lai. Hleithumnak: Catang sang deuh a kaimi hna caminpuai a phi liomi cu cawnnak ah tthut a ngah lai lo nain caminpuai tuah cu a ngah ko lai. Hleilinak: Zawtnak a tam deuhnak hmun pawl hna cu PDRM, ATM le RELA pawl nih congh dih a si lai.

Hleinganak: Rawl dawr pawl hna cu 6am in 10pm tiang on an ngah ko lai. hleiruk: Dawr in ei ding i funh le a cah in cah hna cu thapeek a si. Nain, dawr chung rawl ei zong onh tthiam a si ko nain cabuai pakhat ah minung lawng tthut ding a si lai. Hhleisarih: Zing zee pawl hna cu 6am in 12pm tiang on a ngah lai ii zan zee pawl cu 4pm in 10pm on a ngah lai nain zulhphung zul hrimhrim dingin RELA pawl nih congh a si lai.

Hleiriatnak: Dawr pawl paoh ah luhnak pakhat, chuahnak pakhat a um hrim lai ii hlat deuh tein dir a si lai. hleikua: Detsii rawnnak hna cu 6am in 10pm tiang on an ngah ko lai nain zalam pi cung (highway) ah a ummi hna cu suimilam 24 chung on a ngah ko lai.

pakulnak: Office zung pawl hna on an ngah dih bantuk in mipi citmi chawhlehnak pawl cu hman an ngah dih ko lai. kullekhat: Taxi le grab car hna cu hman an ngah ko lai nain a tam bik minung 2 lawng cit a ngah lai. kullehnih: Sii cawknak dawr (Pharmacies) pawl cu 8am in 11pm tiang on an ngah ko lai.

kul le thum: Chawleh thalnak he ai pehtlai mi paoh cu on a ngah ko lai nain zulhphung tling le hman tein zulh hrimhrim ding a si lai. kul le linak: Eidin lei thil paoh le vanlawng lei rianttuannak paoh cu on an ngah ko lai. kul le nga nak: Mosques ah thlacamnak paoh cu tuah an ngah ko lai nain minung 6 tang lawng onh a si lai.

Kul le ruk nak: Hi pin ah a biapi tukmi cu leeng kan chuah fatin hmaikhuh (mask) hruk ding, kut ttawl lengmang le hand sanitizer hman hna philh lo hrimhrim ding a si lai. Kul le sarihnak: Dawr pakhat kan luh ii kan min le phone number kan ttial tik zongah a dik khawh chung i zuam hna usih. Ruah lopi luh hnawh le chek ton sual ahcun i ralrin paoh a sualnak a um lo.

Chinmi kan umnak cio ah Bawipa nih kan huppheng hram ko seh! Dawtnak he, CRC- crd-Malaysia Chinmi Authawng.

Leave a Reply

Your email address will not be published. Required fields are marked *