Chief Minister Ralhrang Media Ah A Vun Lang Cang Hih

Media Cahmai Ah Hmuh Awk Um Lo Ralhrang Kuttang Chin Ramkulh Chief Minister Ralhrang Media Ah A Lang, Mizapi media le cozah ngeihmi media ah hmuh awk um lo mi Chin ramkulh Chief Minister Pu Ngun San Aung cu ramkulh cozah tonpumhnak ah a hmanthlak hmuh a si nak cu ralhrang kuttang Myanmar National Post media ah an langhter.

Chin ramkulh minister U Kyaw Nging cu 2010 thimnak ah Paletwa peng ah teinak a hmu i, U Thei Sin cozah chan lio ah thingram leo ah thimmi a si i, 2015 thimnak ah a sung, Pu Ngun Sang Aung cu USDP in 2010 in 2015 kar minister a tuan mi a si ve.crd-21the chin times.

A dang relchap; Ralhrang Pawlin Ralthuampi Pawl Thawn An Kahnak Ruangah Mipi Inn A Kangral, Shan ram le Kayin pine ramri ih Moebe myo sungah tihni sun February ni 15 sunah ralhrang ralkap lamin thazang nasatzet thawn ral an ra do hnu mizan February ni 16 zinglam ihsin thokin tualsung hriamkai pawl thawn doawknak asuak bet vivo ih ralhrang lamin ralthuampi pawl thawn sunvu rori an run kah thu theih asi.

Tualsung mi pakhat cun, Moebe myo yatkuat sungah sakhan te an tuah / tihni zan ihsin Loikaw ihsin Moebe ah ral an ra do peh / Tank raldo motor 2 le ralkap motor 4 thawn , mipum cu an tamzet, 200 lenglo an si, mizan zinglam ahcun yatkuat sungah sakhan din in ralthuampi/ralthuamte ti pawl thawn sunvu an kap rero / ralthuampi thawn tawngpa kahin an kahnak ruangah mipi inn thenkhat a kangsiat “ tin asim.

Moebe myo sungah February ni 15 in mizan February ni 16 zan tiangah doawknak tum 4 asuak ih ralhrang ralkap lamin thi le hriamhma tuar an tam thei thu theih asi ih, doawknak hi an theh hrih lo tikah azat cekci cu felfai in thusuah an tuah thei hrih lo thu Moebe-PDF ih tuanvo neitu pakhat cun asim. Ralhrang ralkap lamin ralthuampi pawl tawngpa kahin an kah ciamconak ruangah

Moebe myo ih mipi inn pakhat a kangsiat thluh thu le a dang siatsuah mi thilri pawl cu an nemhnget thei hrih lo thu theih asi. Doawknak pawl ruangah Moebe myo ih um mipi pawl dinhmun in ahimnak hmunah thawn hrih dingin an sim ih a hngek khoh mi le a himnak hmun hril thiam dingin le phungki tlawnginn ti pawl ah thawn in ceng hrih dingin Moebe-PDF in ralrinnak an pek thu an tarlang.crd-the chin now.

Be the first to comment

Leave a Reply

Your email address will not be published.


*