CDF KKG Ralkap Pakhat Le Ngakchia Nu Pakhat Nunnak A Liam

Kalay Peng Bomb Puahnak Ah CDF KKG Ralkap Pakhat Le Ngakchia Nu Pakhat Nunnak A Liam! Kalay peng, khua pakhat bomb puahnak ah pafa hna cu bomb nih a hliamh hna i, a fanu nunnak a liam pinah a pa zong hliam a tuar, tiah kan theih.

Cu bomb puahnak áš­hiam ah cun CDF KKG ralkap pakhat zong a nunnak a liam, tiah theih a si. Hi bomb puahnak he pehtlai in CDF KKG nih thawngthanhnak an tuah rih lo.crd-the chin post.

Ca dang relchap; Tedim Peng Ah ZRA Nih An Cinmi Bing (Opium) Cu Cdf Nih An Hrawh, Lawngtlai 9 Vaupi 2022 : Chin ramkulh Tedim peng Thinhle khua pawng ah an cinmi bing (opium) cu 8 Vaupi 2022 zinglei ah Chin mizapi ralkap nih an hrawh.

An hrawhmi Bing ( Opium)cinnak hi Ekah ( acreage) pakhat hrawng kau a si, hi bing ( Opium ) a ngeitu cu Zomi Revolution Army ( ZRA) an si. Hi Bing (Opium) cinnak hrawhkong he pehtlai in caan sau hlathlai hnu ah zohkhenhtu ah chiahmi biahal a si hnu ah le,

ZRA phu nih Bing ( Opium) cinnak an rak zohnak zong mithmutu chimfiannak in theih a si. Ralhrang siannak in Bing cinnak hi zalong te’n cinthlaknak an tuah, cun ZRA hi Chin mizapi ralkap a lamkip in a dotu hriamtlai pakhat an si.

Hi hrawhmi Bing ( Opium) cinthlaknak in a chuakmi hi khoika hmun ah an kuat theih a si lo, Chinland ralkap ( Hualngoram) cawlcanghnak hmun ah rithai-sii zuar le a hmangmi hna hmanlak le hi Bing cinthlaknak hrawhmi hi mizapi theih awktlak in langhter mi a si.

Hi dohthlen lio caan chungah kan hmunhma ah rithai-sii he pehtlai in phihkhar le hrawh, hmalaknak cu pehzulh in kan tuah lai tiah an chim. CDF-Hualngoram cu Myanmar ram Federal Democracy sernak ah le ralhrang uknak hrambonghnak ding ah hriamtlai mi le mizapi himnak runvennak le.

National Unity Government (NUG) Runvennak Minister nih theihpi mi le Chinland Joint Defense Committe (CJDC) lamhruainak le chungtel hna he hmunkhat ah dohthlennak tuah hriamtlai an si.crd-the lairam times.

Be the first to comment

Leave a Reply

Your email address will not be published.


*