Breaking News, Sagaing Ramthen Rili Ah Ralhrang Jet Fighter A Tla

Ralhrang Vanlaawng Pakhat Sagaing Ramthen Rili Ah A Tla, Ralhrang canlawng pakhat cu tuzing ah Sagaing ramthen, rili ah a tla tiah khuami hna sin theih a si. Vanlawng a tlak thawngpang hi ralhrang nih thawng an thanh mi zong a um fawn. Ralhrang nih an thanh ning ah hlei pawng sakhan ah cawnnak tuah in a tan lio ah raltuknak vanlawng cu tuzing suimilam 11:43 ah pehtlaih khawh ti lo in a lo thai tiah theih a si.

An kawlhawl tikah Sagaing ramthen Ungtaw khua nichuahlei ah rili ah thilri cheukhat hmuh a si tiah ralhrang nih an thanh. Vanlawng a tlak a hmu mi khua mi cheukhat nih vanlawng khu chuah cu an hmuh a rauh hlan ah a kaang mi an hmuh. Atu hi vanlawng tlaknak hmun cu meithal mawtaw, mi bawmchantu hna nih kal hnawh in an buaipi cuahmah tiah theih a si. Hmanthlak: 2018 lio ah ralhrang vanlawng a tla mi a si.

Thawng dang relchap; Matupi Ah Facang A Dong Chin ramkulh thlanglei Matupi peng ah facang le datsi a dih dirhmun an phan tiah khuami hna sinin theih a si. Cheukhat chungkhar hna cu ei din awk ngei lo dirhmun an phan, hlannak in lethnih in facang an cawk tiah theih a si. Atulio ah ralhrang le mipi ralkap kar ah kahdohnak a chuak i ralhrang nih Matupi khua luhnak ah gate 4 an tuah caah facang le thil dangdang luhpi a har ngai tiah theih a si.

Pakokku lei zong in luh a ngah lo, an rak phorh zong ah khuachung ah an luhpi khawh lo caah khuachung ah zuar awk a tha lo caah khuachung ah facang a dong, tangka ngei hna nih i khawm in an cawk i, i theuhbaoh a si. Hika ah facang lethnih in man pek a si, Pawsan hna hi cu facang tha a si, tunkhat ah thongsawmnga pek a si. Asinain cawk a ngah lo, tuhnu thlakhat ah cafang a luh khawh lo cun ei lo in kan um cang lai tiah ” khuami pakhat nih a chim.crd-21TCT

Be the first to comment

Leave a Reply

Your email address will not be published.


*