Breaking News: Pu Trump Nih Kan Tei Cang Lai Tiah Thawg A Thanh

Breaking News: Pu Trump Nih Kan Tei Cang Lai Tiah Thawg A Thanh

By-Luther Tin Hre: Trump nih sunghkhan a tim rih lo. Twitter ah hitihin a tial: Vote checknak kan tuahmi ah thancho lei kan panh chin lengmang. Hmai zarh in thawngpang kan theih cang lai. Kan tei lai. MAGA” tiah a tial. Biden nih Inn Raang a luh ni khatnak ah thil pali tuah aa tim ve.

Paris Climate Accord ah kan lut than lai; Trump Muslim khammi ka let than lai; World Health Bu ah kan lut than lai; DACA ka nunter than lai a ti ve. Biden nih US pi cu retheih a pek chin lengmang ko lai hih.

Cadang relchap rih duh mi caah:  Israel Leiin Zeihmanh A Um Rih Lo, Vawleicung hruaitu zeimawzat nih an conglawmh lio hna ah Isreal leiin Prime Minister a siah President a siah a dangdang upa an siah conglawmhnak an chim rih lo.

PM Netanyahu cu “official result” a hngak rih an ti. Media thawngthanh lawng cu a cohlaang kho rih rua lo. Obama chan ah an rak tuahto ning hna kha an philh kho rih lem lai lo. December 14 ah President thimtu ding hna State aiawh (electors) hna cu anmah state cio ah vote an thla lai.

An thlakmi vote hna cu Congress ah an kuat lai i, January 6 ah Congress ah an rel lai. 270 a tlingmi kha Official tein US President ah cohlan le thawngthanh si te lai. Zumhtlak lo thimtu (faithless elector) an um tawn i, thil sining zong aa thleng khomi a si. Cu hlan ah aa thlengmi cu a um bal lo nain tutan hi zeidek a lawh te lai.

Joe Biden le Kamala Haris teinak biachim ka ngai i, an mithmai ah teinak ka hmuhpiak kho hna lo. An biachim cu a tha ko nain hrokhrol teinak bantukin ka hmuhpiak hna. Nikhat ni leiin Pre.Trump nih zeidah a tuah lai ti kan hngak cio hna.

Crd- Luther Tin Hre

Leave a Reply

Your email address will not be published. Required fields are marked *